Urkunde Nr. 3359 aus Band VI

Seite im UB:

172

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 208 - Abt. 13: K. A. Mediasch [Parohia Ev. CA Mediaş], Nr. 19 (alt Nr. 37).

Druckvorlage:

nach Original

Abdruck als:

Volltext

Sprache:

Latein

---

3359

Stuhlweissenburg 1464 April 6 König Matthias verbietet den Steuereinnehmern in den Zwei Stühlen, ausser dem Martinszins auch anderweitige Steuern einzuheben.

Von der Kanzlei: Commissio propria domini regis.

Nos Matthias dei gratia rex Hungariae, Dalmaciae, Croaciae et cetera notum facimus universis praesentibus et futuris, quod fideles nostri prudentes et circumspecti viri Georgius Thobiasy de Eczel et Cristannus Bwzer de Meggyes nostram accedentes praesentiam nominibus et in personis fidelium nostrorum universorum et singulorum Saxonum civium, hospitum, populorum et iobagionum nostrorum ad sedes Meggyes et Selk pertinentium maiestati nostrae modesto significatione studuerunt declarare, quod collectores et exactores taxae seu collectae nostrae maiestatis in festo sancti Martini¹⁾ singulis annis ex parte ipsorum nobis et fisco nostro regali provenientes quadam abusiva novitate adinventa tempore exactionis talismodi collectae ultra et supra debitum censum seu summam ipsius collectae quaedam munera in pannis et aliis rebus allegantia sibi debere provenire ab eis exigere vellent et eos ad dandum huiusmodi munera coartari conati fuissent et iam in usum convertere vellent. Cum tamen secundum antiquam eorum libertatem et consuetudinem transactis tribus diebus exactionis ipsius collectae quolibet die usque integram persolutionem ipsius taxae pro expensis eorundem collectorum unum fertonem argenti tantum et nichil plus ipsis dare tenerentur. Supplicantes hiis declaratis praefati Georgius et Cristannus Saxones ipsis super hoc dignaremur regale remedium adhibere. Verum quia nos munerum abusivorum postulationem et coactam receptionem per collectores praemissae taxae ut praemittitur adinventam aliquomodo sustinere vobis fidelibus nostris universis et singulis collectoribus praemissae taxae nostrae constitutis et constituendis firmo nostro regio damus sub edicto, quatenus a modo in posterum praefatos cives, hospites et iobagiones nostros ad dictas duas sedes Meggyes scilicet et Selk spectantes ratione praemissorum coactorum munerum impedire, molestare seu aggravare non debeatis neque ab eis talia munera ultra debitum censum eorum et expensas petere vel exigere et nec ad dandum vobis huiusmodi munera ipsos quoquomodo compellere audeatis. Et aliud sub poena indignationis nostrae nullomodo faciatis. Praesentibus perlectis exhibenti restitutis. Datum in Alba Regali feria sexta proxima post festum ressurectionis domini, anno eiusdem millesimo quadringentesimo sexagesimo quarto, regni nostri anno septimo, coronationis vero primo. [S. 173]


1) November 11.^{^}