Urkunde Nr. 3365 aus Band VI

Seite im UB:

176-177

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3365

Ofen 1464 April 14 König Matthias trägt den Verwaltern der Salzkammer in Salzburg auf, dem Ortspfarrer und dem Hannen den ihnen zustehenden Lohn und den Salzhäuern ihr jährliches Tuch in gewohnter Weise auszufolgen.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelibus nostris camerariis salium nostrorum in camera nostra de Vizakna nunc constitutis et in futurum constituendis praesentes visuris salutem et gratiam. Exposuit maiestati nostrae fidelis noster circumspectus Johannes Cheh, iudex oppidi nostri, in sua ac pro plebani necnon villici et universorum excisorum salium nostrorum in eodem oppido nostro commorantium et commoraturorum personis, quod licet ab antiquo praefatus plebanus eorum ratione cuiusdam missae item dictus villicus pro servitiis suis, quam circa sollicitationem excisionis salium nostrorum et etiam aliter continue facere haberet certa salaria ac etiam praefati excisores¹⁾ eorundem salium quosdam pannos ex dispositione praedecessorum nostrorum regum singulis annis a nobis habuerint et habere debeant. Tamen vos saepius huiusmodi salaria ipsorum pro plebani et villici ac pannos dictorum excisorum salium saepius eis reddere denegaretis in damnum eorundem. Unde supplicavit praefatus Johannes maiestati nostrae suo et aliorum praedictorum nominibus, ut eisdem superinde opportune providere dignaremur. Et quia nos praefatos plebanum, villicum et excisores salium nostrorum praesentes et futuros in dispositionibus ab antiquo per dictos praedecessores nostros [S. 177] reges eisdem factis conservare volumus, ideo fidelitati vestrae firmiter praecipimus, quatenus amodo deinceps antefatis pro plebano et villico salaria nec non pannos antefatis excisoribus salium nostrorum, prout ab antiquo solitum est singulis annis reddere debeatis. Et aliud facere non audeatis. Praesentibus perlectis exhibentibus restitutis. Datum Budae in festo beatorum Tiburcii et Valeriani martirum, anno domini millesimo quadringentesimo sexagesimo quarto, regni nostri anno septimo, coronationis vero primo.


1) Vorlage excisoris. ^{^}