Urkunde Nr. 3366 aus Band VI

Seite im UB:

177-178

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 57.

Druckvorlage:

nach Original

Abdruck als:

Volltext

Sprache:

Latein

---

3366

Ofen 1464 April 14 Richter und Rat von Ofen ersuchen den Hermannstädter Rat, den dorthin geflohenen Ofener Jakob Sellator zu veranlassen, der durch ihn geschädigten Witwe Margarethe Genugtuung zu tun.

Prudentes et circumspecti viri amici nostri sincere dilecti, salutem. Noveritis quomodo in annis proxime transactis cuius iam fere septima instat revolutio annualis, quod inter magistros sellatores in nostri medio residentes, quaedam rixa exorta fuerat et in eadem rixa quidam¹⁾ Jacobus Sellator, famulus magistri Stephani Sellatoris unum magistrum sellatorem similiter Stephani nomine in eadem rixa mutillaverat, pro qua mutillatione idem Jacobus unacum uno magistro Gregorio Sellatore fuerant detenti et eo tempore idem Jacobus super medio manu sua convictus extiterat. Tandem tempore medio per nonnullorum proborum virorum compositiones huiusmodi causam eorum condescenderent taliter, quod praedicti Jacobus et Gregorius praenotato Stephano mutillato quinquaginta florenos auri dare et solvere teneantur, quo tempore ipse Jacobus ad fideiussoriam cautionem, proinde dominae Margarethae consortis praetacti Gregorii Sellatoris et Sophiae matris eiusdem ac Stephani Mimich braxatoris, patris ipsius de tali vinculo exmissus extiterat ad fidemque suam deo debitam spondens, ut se absentare nollet absque satisfactione. Tamen idem Jacobus huiusmodi fidei suae et salutis immemor e nostri medio furtive recessit, et usque in praesentem diem suos fideiussores in dampno reliquit. Nunc autem mortuo praetacto Gregorio memorata domina Margaretha consors eiusdem Gregorii cum praefatis patre et matre in nostram venientes praesentiam gravi cum querela significarunt, quomodo ipsi veraciter audivissent, quod saepetactus Jacobus Sellator in vestri medio moram traheret, pro cuius requisitione ipsa domina Margaretha relicta in sua et aliorum fideiussorum personis in vestri medium proficisci disposuit. Unde sagacitates vestras diligenter rogamus, quatenus ex parte praefati Jacobi Sellatoris antelatae dominae Margarethae in sua et aliorum praefatorum fideiussorum personis condignam iuris et iusticiae atque satisfactionis complementum velitis administrare prout dictaverit ordo iuris. Et secus facere non velitis iustitiae et nostrae amicitiae ob respectum. Datum sub nostro minori sigillo sabbato proximo ante dominicam Misericordia domini, anno eiusdem millesimo quadringentesimo sexagesimo quarto.

Iudex et iurati cives
civitatis Budensis.

[S. 178] Auf der Rückseite Adresse: Prudentibus et circumspectis viris magistro civium, iudici et iuratis civibus civitatis Cibiniensis Transilvanensis amicis et fratribus nostris sincere honorandis.


1) Hierauf gestrichen Stephanus. ^{^}