Urkunde Nr. 3367 aus Band VI

Seite im UB:

178

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

3367

Ofen 1464 April 15 König Matthias trägt den Sieben Stühlen auf, die Hattertstreitigkeiten zwischen Grosscheuern und Stolzenburg zu untersuchen und beizulegen.

Von der Kanzlei: De commissione domini regis¹⁾.

Mathias dei gratia rex Hungariae, Dalmaciae, Croaciae et cetera fidelibus nostris circumspectis magistro civium, iudicibus et iuratis senioribus septem sedium Saxonicalium salutem et gratiam. Exponitur nostrae maiestati in personis circumspectorum civium et hospitum nostrorum de Naghchwr, quomodo circumspecti cives et hospites nostri de Naghzelendek metas dictae possessionis Naghchwr minus iuste et indebite occupassent occupatasque etiam de praesenti. Supplicatum itaque extitit maiestati nostrae pro parte eorundem, ut ipsis circa praemissa de condigno iuris remedio providere dignaremur opportuno. Quapropter fidelitati vestrae firmiter praecipiendo mandamus, quatenus statim receptis praesentibus ulteriori nostro mandato superinde non expectato praescriptis utrisque partibus ad unum certum et brevem terminum sedis vestrae iudiciariae in eandem sedem vestram iudiciariam vestri in praesentiam vocatis et accersitis, visis et examinatis iuribus earundem partium auditis etiam propositionibus, allegationibus et responsionibus earundem iuxta morem et consuetudinem vestram merum iudicium et condignae iustitiae complementum partes inter eosdem facere et administrare debeatis. Secus non facturi; praesentibus perlectis exhibenti restitutis. Datum Budae die dominico proximo post festum beatorum Thiburcii et Valleriani martirum, anno domini millesimo quadringentesimo sexagesimo quarto.


1) Nach Zimmermann stammt die Kanzleibemerkung von der Hand des Urkundenschreibers, was selten der Fall ist.^{^}