Urkunde Nr. 3370 aus Band VI

Seite im UB:

179-180^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. I 34.

Druckvorlage:

nach Original

Abdruck als:

Volltext

Sprache:

Latein

---

3370

Ofen 1464 April 23 König Matthias trägt seinen Adligen und Amtswaltern auf, den Inwohnern und Untertanen der Stadt Klausenburg, die sich jüngst auf fremde Besitzungen geflüchtet haben, die Rückkehr an ihre früheren Wohnplätze zu gestatten. [S. 180]

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelibus nostris universis et singulis praelatis, baronibus, comitibus, castellanis, nobilibus ipsorumque officialibus, item civitatibus, opidis et villis, earumque rectoribus, iudicibus et villicis alterius etiam cuiuscumque status et conditionis hominibus praesentium notitiam habituris salutem et gratiam. Intelleximus qualiter nonnulli essent ex vobis, qui populos et iobagiones nostros, qui hiis diebus proxime elapsis de civitate nostra Koloswar ad earum possessiones aufugissent moraturi, in ipsorum possessionibus detinerent, et ad pristina sua habitacula remittere nollent, in displicentiam nostrae maiestatis. Et quia nos volumus ut omnes tales iobagiones nostri, qui ut praefertur ad aliorum quorumcumque bona et possessiones de dicta civitate nostra aufugissent moraturi, rursus et iterum ad pristina eorum habitacula remittantur, ideo fidelitati universitatis vestrae et cuiuslibet vestrum harum serie firmiter praecipiendo mandamus, quatenus receptis praesentibus huiusmodi populos et iobagiones nostros de dictis vestris possessionibus ad pristina eorum habitacula remitiere debeatis et teneamini. Alioquin commisimus et praesentibus strictius committimus fideli nostro magnifico Johanni Pangracz de Dengeleg vaivodae Transsiluano ac comiti Siculorum nostrorum, ut ipse vos et quemlibet vestrum ad praemissa facienda cum vestris gravaminibus in talibus fieri consuetis artius compellat et astringat auctoritate nostra praesentibus sibi in hac parte attributa et iustitia mediante. Secus ergo non facturi, praesentibus perlectis exhibenti restitutis. Datum Budae in festo beati Adalberti episcopi, anno domini millesimo quadringentesimo sexagesimo quarto, regni nostri anno septimo, coronationis vero primo.

<ku<Auf der Rückseite von gleichzeitiger Hand: Ut aufugentes iterum reverti compellantur.


a) Seitenumbruch nach Kopfregest.^{^}