Urkunde Nr. 3380 aus Band VI

Seite im UB:

185

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. IV (Inventar 25 ), Nr. 507.

Druckvorlage:

nach Original

Abdruck als:

Volltext

Sprache:

Latein

---

3380

Thorenburg 1464 Juni 5 Nikolaus Pogan ersucht den Bürgermeister von Hermannstadt, das Steinschleudergeschütz der Stadt dringend auf dem Wasserweg nach Segedin zu schicken.

Nobilis et prudens vir frater et amice noster honorande. En serenissimus dominus dominus noster rex literis suis mediantibus nobis mandavit, uti in literis eiusdem vobis transmissis lucidius continere videbitis, quomodo bombardam vestram simulcum magistro et curribus ac lapidibus versus Zegedinum celeriter per naves infraducere die noctuque curam sollertem habere debeamus. Nosque eiusdem suae serenitatis mandatis obedientes ut tenemur, sumus pronus et paratus, ita tamen ut dictam bombardam cum attinentiis vos ad oppidum Thorda ducere et conduci facere deberetis. Et quia vobis in hac conductione huc fatiga et labor sugeretur, cogitavimus, ut modo laeviori et fatiga pauciori dictam conductionem disponere valebitis, quoniam dictam bombardam ad oppidum Alwincz conduci facientes ibique per homines vestros ad navem collocantes. Petimus igitur vestram fraternitatem et amicitiam diligenter per praesentes, quatenus diem et terminum dictae conductionis bombardae et numerum lapidum ad hanc aptum et gravitatem ponderis in toto et insimul computandum vestris in literis nobis rescribatis, ad quod et nos naves ad haec appromptuare debeamus. Datum Thordae feria tertia proxima post festum sacratissimi corporis Christi, anno domini millesimo quadringentesimo sexagesimo quarto. Nicolaus Pogan de Thorda, frater et amicus vestrae nobilitatis in omnibus.

Auf der Rückseite Adresse: Nobili et prudenti viro magistro civium Cibiniensi fratri et amico honorando.