Urkunde Nr. 3383 aus Band VI

Seite im UB:

186-187^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 232.

Druckvorlage:

nach Original

Abdruck als:

Volltext

Sprache:

Latein

---

3383

Ofen 1464 Juni 12 König Matthias trägt seinem Münzkammergrafen in Frauenbach / Baia Mare Christophorus Italicus sowie dessen Vertretern in Offenburg und [S. 187] anderwärts auf, dem Simon Guldenmünzer von Winz zu gestalten, das von ihm gekaufte Blei auf den Kammern in Offenburg und Băişoara oder anderswo zu veräussern.

Mathias dei gratia rex Hungariae, Dalmaciae, Croaciae et cetera fidelibus nostris egregio Christoforo Italico de Florencia comiti cusionis monetarum camerae nostrae Rywlidominarum eiusdem camerariis ac vices suas gerentibus in fodinis Offonbanya, Vybanya et alias in quibuscumque locis camerarum nostrarum ubilibet constitutis et existentibus salutem et gratiam. Quia nos ad supplicationem fidelis nostri egregii Damiani Horvath castellani castri Vissegradiensis circumspecti Simoni Forynthverew nuncupato in oppido Vyncz commorandi id annuimus et concessimus, ut ipse illam quantitatem plumbi, quam a praefato Damiano Horvath et circumspecto Luca Rada vocato in civitate nostra Themesvar residente pretio emit in dictis fodinis Offombanya et Vybanya ac aliis ubilibet in cameris nostris sive etiam extra loca camerarum nostrarum vobis vel alteri vestrum, sive illis quibus ipse voluerit vendendi, disponendi et iuxta libitum suum distribuendi liberam habeat facultatem. Quocirca fidelitati vestrae harum serie firmiter praecipientes mandamus, quatenus dum et quando ac quotiescumque praefatus Simon Forinthverew huiusmodi plumbum suum ad praedictas cameras et fodinas nostras sive etiam alia quaecumque loca vendendi causa deferre voluerit, eundem sive in persona sive in rebus non impediatis contra huiusmodi annuentiam nostram sed eidem ubique locorum plumbum ipsum illis quibus maluerit libere pacifice et absque omni impedimento vendere et distribuere permittatis et permitti faciatis. Secus facere non ausuri. Praesentibus perlectis exhibentibus restitutis. Datum Budae feria tertia proxima post festum beati Barnabae apostoli, anno domini millesimo quadringentesimo sexagesimo quarto, regni nostri anno septimo, coronacionis vero primo.

Von der Kanzlei: Ad relationem magistri Bartholomei.


a) Seitenumbruch nach Kopfregest.^{^}