Urkunde Nr. 3389 aus Band VI

Seite im UB:

191-192 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Supplementa (Nova Collectio posterior) (Inventar 27), Nr. 1162.

Druckvorlage:

nach Original

Abdruck als:

Volltext

Sprache:

Latein

---

3389

Lippa 1464 Juli 6 Franz Literatus de Kezi schreibt an den Hermannstädter Rat in Angelegenheit eines von dem verstorbenen Bürger Jakob Sor ihm schuldigen Geldbetrages. [S. 192]

Circumspecti ac providi viri fratres et amici honorandi. Recordamur, quomodo tempore illo quo dominus noster rex partibus in illis Transilvanis fuerat constitutus nos quaedam debita nostra puta florenos auri¹⁾ sexingentos et sexaginta tres a Jacobo Sor vestro condam concive, quibus idein nobis mediante literis condam domini nostri gubernatoris Johannis de Hwnyad ac propria manu scriptarum suarum debitoria²⁾ obligatur coram vestris amicitiis et iuratis pro tunc constitutis, praesente ipso Jacobo Soor cum mandato regio postulabamur quiquidem Jacobo quaedam astutia decogitata finxit ad deliberationem septem sedium Saxonicalium domini nostri regis tandem prorogasse neque vos hiis auditis. Et quo tunc vester magister civium fuit constitutus aliquam satisfactionem ex parte sui de praemissis impendere³⁾ curastis de quibus omnia dum satisfactionem loco in communi recipere intendebamus. Vos quidem vestris in literis nobis huc transmissis⁴⁾ scripseratis ex parte ipsius Jacobi, iudicium et iustitiam impendere, quod non fecistis sed stamus in huiusmodi dampno. Interdixeramus etiam omnia bona ipsius et suum corpus a⁵⁾ sepultura templi coram dominis plebano vestro et decano de Keresthyenzegethi si ipsum mori contigeret absque satisfactione quem mortuum sepelistis. Igitur petimus easdem vestras amicitias confidenter per praesentes causa commisimus iustitiae de bonis condam Jacobi Soor de praemissis nostris bonis omnimodum impendere satisfactionem aut in aresto sua bona illac nostri adventum aut nostrorum hominum conservari facere velitis, ne aliqui iusti vestri consocii pro iniustis arrestentur et dampnificentur, de quibus praemissis novum mandatum regium vestris amicis loquentem habemus. Sed quia vestris amicis bene manifestum foret sumus per dictum dominum nostrum regem penes in consortem Drakale vayvodae constituti. Scripta Lippae feria sexta proxima post festum visitationis beatae Mariae virginis, anno et cetera⁶⁾ sexagesimo quarto.

Franciscus Literatus de Kezy
alias castellanus de Hwnyad.

Auf der Rückseite Adresse: Circumspectis et providis viris magistro civium ceterisque iuratis civibus civitatis Cibiniensis fratribus et amicis nostris honorandis.


a) Seitenumbruch nach Kopfregest.^{^}

1) Hierauf gestrichen sexaginta.^{^}
2) Hierauf gestrichen nobis.^{^}
3) Über der Zeile darunter satisfacere durchgestrichen.^{^}
4) Hierauf pro durchgestrichen.^{^}
5) Hierauf p durchgestrichen.^{^}
6) Hierauf ein Schaft durchgestrichen.^{^}