Urkunde Nr. 37 aus Band I

Seite im UB:

25-26

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Vat. (Registra Vaticana) Nr. 12, fol. 130 verso, Eintrag Nr. 138.

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

37

Rom im Lateran [1223] Dezember 13 Papst Honorius III. macht dem Erzbischof von Gran Mittheilung von der an den siebenbürgischen Bischof gerichteten Bulle Nr. »36 und beauftragt ihn, etwaige Urtheilsprüche desselben gegen Burzenländer für ungiltig zu erklären.

[S. 26] Honorius episcopus . . . . venerabili fratri . .¹⁾ archiepiscopo Strigoniensi salutem. . . . . . Quod dilecti filii . . magister et fratres domus sanctae Mariae Theotonicorum terram Boze et ultra montes nivium propter paganorum insultus vastam usque ad proxima tempora et desertam noviter inhabitare ceperunt, ipsorum paganorum impetu non sine multo discrimine refrenato, eis ad meritum, nobis ad gaudium et toti populo Christiano provenit ad profectum, propter quod ipsi fratres et inhabitatores terrae praedictae non sunt lacessendi iniuriis, sed beneficiis confovendi, quatenus numerus fidelium terram ipsam inhabitantium ad paganorum terrorem et Christianitatis subsidium feliciter augeatur. Cum autem terra ipsa secundum indulgentias dictis fratribus ab apostolica sede concessas nullum praeter Romanum pontificem episcopum habeat vel praelatum, venerabilis frater noster . .²⁾ episcopus Ultrasilvanus, sicut eorum nobis conquestio patefecit, in ea sibi iurisdictionem indebitam usurpare contendens, presbyteros et clericos ipsius terrae ad synodam tuam vocas et tam ab eis, quam a laicis decimas et alia episcopalia iura niteris extorquere, in eos, si tuae non satisfaciunt voluntati, interdicti et excommunicationis sententias de facto, cum de iure nequeas, proferendo. Nolentes igitur aliquatenus sustinere quod iidem fratres indebite praesertim contra nostras indulgentias molestentur, dicto episcopo firmiter dedimus in praeceptis, ut si quas forte de facto in clericos vel alios habitatores ipsius terrae sententias protulisti, eas de facto quoque non differens revocare, ab eorum gravamine taliter conquiescas, quod nec ipsi iustam habeant materiam conquerendi nec nos tibi durius scribere compellamur. Qui cum domum eorundem fratrum sic rore nostrae gratiae rigaverimus, ut eam de humili statu ad altum tempore nostro provectam plantationem nostram non incongrue appellare possimus, illam ea praerogativa diligimus caritatis, quod eius indigna gravamina non possemus in patientia tolerare. Ideoque fraternitati tuae per apostolica scripta mandamus, quatenus, nisi dictus episcopus iuxta mandatum nostrum curaverit revocare sententias, si quas in saepe dictos incolas promulgavit, tu illas, tamquam a non suo iudice^a) promulgatas, denuncies nullas esse. Datum Laterani, Idibus³⁾ Decembris, anno octavo.


a) Nachtrag UB I, Seite 618 statt indice.^{^}

1) Raynaldus.^{^}
2) Thomas.^{^}
3) Vorlage: Idus.^{^}