Urkunde Nr. 380 aus Band I

Seite im UB:

350-352 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 5.

Druckvorlage:

nach Original

Abdruck als:

Volltext

Sprache:

Latein

---

380

Bei Hermannstadt 1321 Juli 5 Benedikt, Bischof von [Tschanad /] Csanad, und Iwanka, Bischof von Grosswardein, bezeugen, dass Magister Johannes Namens der Stadt Hermannstadt und des Pfarrers daselbst gegen die Bedrückungen des Hermannstädter Propstes Nikolaus Berufung an den Papst angemeldet hat, und schalten die Appellation ein.

Nos Benedictus dei gratia ecclesiae Chanadiensis et Iwanca dei gratia ecclesiae Waradiensis episcopi significamus universis quibus expedit per praesentes, quod anno domini M^o. CCC^o. XXI^o. feria sexta proxima post festum beatorum Petri et Pauli apostolorum⁴⁾ accedens ad nostram praesentiam magister Johannes de Cluswar procurator communitatis civium de Cybinio et domini Heydenrici plebani eiusdem loci coram nobis appellavit et quoddam scriptum appellationis legit in haec verba. Coram vobis venerabilibus patribus et dominis domino Benedicto miseratione divina ecclesiae Chanadiensis et domino Iwanca miseratione divina ecclesiae Waradiensis episcopis ego magister Johannes de Cluswar procurator communitatis civium de Cybinio necnon domini Heydenrici eiusdem loci plebani sentiens dictos dominos meos gravari et iam fore gravatos per dominum Nicolaum prae- [S. 351] positum Cybiniensem indebite et iniuste super eo videlicet, quod cum ecclesia eorum parochialis Cybiniensis libertatis privilegio fulciatur licet iam per aliquos annos eadem ecclesia et eiusdem ecclesiae plebani velut¹⁾ oppressi per tyrannidem praepositorum inviti fecerint subiectionem eo quod iuxta continentiam regalium privilegiorum dictis dominis meis et provincialibus eorundem concessorum parochialis ecclesia Cybiniensis praedicta ius habeat plenarie patronatus, quo iure patronatus idem Nicolaus praepositus et antecessores eiusdem praepositi indebite demembravit eandem ecclesiam et demembrarunt non iure sed facto, cum nullum super hiis privilegium habeat vel habuerint nec aliquam causam rationabilem praetenderint nec praetendat. Attrahit enim idem praepositus sibi decimas et oblationes necnon et alia iura ecclesiae parochialis praedictae et sibi usurpat et multis temporibus indebite usurpavit ut suo loco et tempore dicti domini mei plenius explicabunt ipsis cum dominis meis et eorundem antecessoribus tam civibus quam plebanis tempore eiusdem praepositi et aliorum antecessorum suorum praepositorum ex tunc et ex nunc quam pluries reclamantibus et invitis eo, quod antiqui plebani praedictae ecclesiae Cybiniensis omnia iura libere et pacifice possideant, sine contradictione aliqua percepissent, qua libertate ceterae ecclesiae parochiales eiusdem provinciae, quarum Cybiniensis ecclesia saepe dicta principalis et primaria esse dignoscitur, adhuc perfruuntur pleno iure. Sola autem ecclesia parochialis Cybiniensis, a qua ceterae ecclesiae parochiales eiusdem provinciae originem seu fundationem sumpserunt, suis libertatibus et iuribus non auctoritate canonica sed quadam potestate tyrannica stat privata ceteris ecclesiis parochialibus eiusdem provinciae sub eadem libertate constitutis pleno iure²⁾ gaudentibus, prout superius est expressum. Et quia etiam multo tempore malignorum iniquitas praevaluit videlicet tam invasio Tartarorum quam etiam tyrannorum terrae oppressio adeo, quod nullus uti potuit suo iure nec etiam aliquis propter viarum discrimina et statum regni Vngariae intranquillum hactenus suam requirere potuit libertatem, qui status intranquillus cum per divinam gratiam et per illustrissimi domini Karoli regis Vngariae industriam iam in melius sit conversus ita, ut viarum discriminibus et tyrannorum oppressionibus per eundem iam cessantibus et repulsis libere pateat cuilibet requisitio sui iuris. Hinc est quod super praedictis et ceteris gravaminibus quae loco et tempore dictos dominos meos videlicet communitatem civium de Cybinio et dominum Heydenricum eiusdem loci plebanum offero probaturos pro eisdem contra dictum dominum Nicolaum praepositum ad sedem apostolicam appello et appellationem innovo, appello et iterum appello et a vobis venerabilibus patribus et dominis praedictis peto apostolos et instanter instantius instantissime postulo, mihi dari dictos dominos meos et bona eorundem mobilia et immobilia et omnes eisdem adhaerentes necnon ecclesiam Cybiniensem parochialem praenotatam cum omnibus suis utilitatibus et pertinentiis protectioni ipsius sedis apostolicae committendo, offero etiam dictos dominos meos super hiis ipsius summi pontificis vel eius delegati stare [S. 352] iudicio, terminum autem ad prosequendum dictam appellationem ex beneficio iuris concessum assigno. Nos igitur ipsius procuratoris iustas et legitimas petitiones denegare non valentes apostolos dedimus et ipsam appellationem de verbo ad verbum praesentibus transscribi fecimus et nostrorum sigillorum appensione roborari. Datum in pratis iuxta Cybinium, dominica proxima post festum beatorum Petri et Pauli apostolorum praedictorum, anno domini praenotato.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 4 auf S. 350 (1-3 zu voranstehender Urkunde), 1-2 auf S. 351.^{^}
b) Im UB Abbildung des Siegels des Iwanka, Bischofs von Grosswardein, auf Tafel IV, Bild 14 (unten als »Abb. 1) bzw. des Benedikt, Bischofs von Csanad, auf Tafel IV, Bild 15 (unten als »Abb. 2).^{^}
[S. 350]
4) Juli 3. ^{^}
[S. 351]
1) Vorlage: velud.^{^}
2) Hierauf nochmals: iure. ^{^}

Abb. 1


Abb. 2