Urkunde Nr. 3390 aus Band VI

Seite im UB:

192-194

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 144 (Liber promptuarii capituli Braschowiensis), fol. 182 verso - 183 recto.

Druckvorlage:

nach Abschrift

Abdruck als:

Volltext

Sprache:

Latein

---

3390

Kronstadt 1464 Juli 17 Petrus, Pleban von Weidenbach und Dechant des Burzenländer Kapitels, entscheidet den Prozess des Kronstädter Stadtpfarrers Johannes Reudel gegen Katharina, Witwe des Petrus Greb, wegen einer Schenkung zugunsten der Marienkirche in Kronstadt.

Petrus plebanus de Wydenbach ac decanus Brasschouiensis significamus tenore praesentium quibus expedit universis, quomodo nuper nobis more et in [S. 193] loco solitis et consuetis ad audiendum causas et facienda iudicia una cum dominis assessoribus nostris collocatis astitit coram nobis in figura iudicii nostri venerabilis vir dominus et magister Johannes baccalaureus in decretis rector ac plebanus ecclesiae parochialis beatae et gloriosissimae semper virginis Mariae civitatis Brassouiensis ut actor ab una, petens et postulans ab honesta domina Katherina relicta pridem bonae memoriae Petri Greb de Brassouia personaliter astante, ut a rea partibus ab altera dari sibi et ecclesiae sanctae antedictae testamentum olim per providum virum Georgium Schoel¹⁾ domum seu curiam videlicet ipsius Schoel¹⁾ in acie situa tam pro dicta ecclesia seu ipsius fabrica rite et legitime testatam atque legatam, quod etiam testamentum iam per longi temporis tractum contra ipsius testatoris dispositionem et voluntatem in detrimentum et retardationem salutis et salvationis uti timetur animarum extitit diutius retardatum finem deputatum ad huc minime consecutum. Quibus auditis dicta domina Katherina ex adverso respondit allegans pro se, quod praefatus Petrus Greb praedictam curiam annos per plures absque ulla cuiuscunque impetitione pacifice et quiete possedisset nullamque in suo testamento neque alias verbotenus de dicto testamento aliquam unquam fecisset mentionem. Quare actori denegavit petita et quia actoris incumbit probatio veniente termino partibus ad producendum et audiendum testes praefixo praefatus dominus et magister Johannes ad edocendam et probandam suam actionem testes non pretio, odio, amore seu timore quovismodo corruptos produxit, quibus tamquam idoneis et fidedignis per partem adversam admissis et iuramentis ab eisdem super sacris evangeliis sub forma verborum debita partibus praesentibus receptis rite et legitime examinantes, dicta et fassiones eorum redigere fecimus in haec scripta. Prima testis discreta femina Smylyn de Brassouia nullius partis consanguinea aut affinis iurata et interrogata de testamento curiae Georgii Schoel¹⁾ quid sibi constaret, respondit, se ex ore proprio ipsius Georgii in lecto ultimae suae aegritudinis audivisse expresse, quod dualitas suae curiae pro ecclesia parochiali beatae virginis Mariae ipso defuncto debeat pertinere. Secundus testis vir providus Anthonius seu Anthal vulgariter dictus, civis Brassouiensis, iuratus et interrogatus respondit se ab ore N. uxoris dicti Schoel¹⁾<fnz>cum adhuc corpore compos et perfectae esset rationis ac sanitatis audivisse expresse, quod sua tertialitas iuxta dispositionem et legationem mariti sui defuncti cum dualitate consimiliter debeat pro ecclesia parochiali beatae virginis pertinere praesentibus etiam tunc circumspectis viris Petro Bongner et aliis pluribus fidedignis. Tertius testis Laurencius eruginator de Brassouia iuratus et interrogatus fatetur se ex ore N. Schoelyn audivisse, quod se Petrus Greb promptas meas pecunias pro debitis suis solvendis expendat tamen domum seu curiam quae ecclesiae est expendere non balebit. Quartus testis Conradus Carpentarius de Wydenbach iuratus et interrogatus fatetur se ex ore proprio N. Schoelyn audivisse haec verba expresse: Ecce Petre Greb sicut curia ista per maritum meum defunctum ad tempora vitae meae ad usum michi est concessa sic similiter vobis eandem ad tempus vitae vestrae concedam et postea erit ecclesiae, quibus verbis dictus Petrus nichil contradicens consensit. Veniente igitur termino excipiendi contra testes et eorum dicta concesso cum a parte adversa nulla penitus fieret exceptio nullaque replicatio aut reconventio videbatur, magistrum et dominum Johannem actorem praefatum sufficiens habere causae suae documentum et suam propositionem veram evidenter declarasse atque probasse et idcirco quod petebat iure et institia concedente obtinere pleno cum effectu. Nos igitur quorum interest proposita allegata et probata audire, cognoscere et sententialiter decidere seu diffinire necnon et testatorum ultimas voluntates et ad usus pios praecipue testata executionem debito demandare, matura satis deliberatione et testium de causae seu facti meritis sane idoneis et fide- [S. 194] dignis edocti testimoniis partibus ad audiendi sententiam praesentibus Christi invocato nomine pro tribunali sedentes et solum deum prae oculis habentes iuxta ea qui vidimus et audivimus per hanc sententiam nostram diffinitivam decernimus, pronuntiamus et declaramus curiam acialem Georgii condam Schol et N. uxoris eiusdem tamquam eorum ultimum et voluntarium testamentum bona et concordi ratione et voluntate pro ecclesia parochiali beatae Mariae virginis et ipsius fabrica legatam et testatam, ipsi ecclesiae memoratae cum omni iure habendi, possidendi, commutandi, vendendi et in usus quoscumque beneplacitos eandem convertendi adiudicantes finaliter in his scriptis. In nomine patris et filii et spiritus sancti amen. Lata est haec sententia in die beati Alexii confessoris in dote ecclesiae parochialis praefatae, anno domini M^o CCCC^o LXIIII^o, praesentibus dominis patribus et fratribus capituli Brassouiensis pro celebrata pro tunc fraternitate pariter congregatis.

<fnzt>1) e über o. [4x]</fnzt>