Urkunde Nr. 3396 aus Band VI

Seite im UB:

197

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 173.

Druckvorlage:

nach Original

Abdruck als:

Volltext

Sprache:

Latein

---

3396

Iaşi 1464 September 1 Petrus Zedrich ersucht den Hermannstädter Rat, ihm die schuldigen 45 Gulden, die er seinen Gesandten treuhänderisch geborgt habe, samt Zinsen zurückzugeben.

Amicitiae complacentiaeque voluntatem. Famosi viri, vestris circumspectionibus deduxi in quam pluribus literis intimandum ex parte Bartholomei Huter et Jacobi Moldner simulcum Michaele Greb pro quibus solvi V stamina Coloniae pro XLV florenis Ungaricalibus, quos quidem florenos promiserunt fide data mihi remittere absque omni mora in domum meam et hucusque nullam penitus solutionem adeptus sum. Insuper me unacum meis et rebus omnibus pro ipsis in fideiussoriam tradidi ex parte ambasiatorum, qui in legatione ad regem Ungariae transmissi fuerant, quae causa brevitatis abmitto, ut patet clarius in literis obligationum sub sigillo oppidi¹⁾ nostri quae et quanta promiserunt si damna aut quaevis impedimenta ineurrerem me salvum et²⁾ securum omnino reddentur. Hoc ipsum ex parte totius communitatis Cibiniensis spoponderunt. Et ego damna non pauca usque ad praesens habui et adhuc de die in diem infestor ab aliquibus ut puta ad minus in centum XX florenis Ungaricalibus sum damnificatus. Tantum novit altissimus cuius ante conspectum nullum latet secretum. Et pro nunc intellexi, quod supradicta moneta est deposita in quodam loco vestrae civitatis et quod ibi mittelem ad recipiendum, quod nullatenus faciem neque illic destinare praeintendo cum satis expensa et fatigas habui. Eapropter vestras circumspectiones duxi praesentibus cogitandum, quatenus vigore iustitiae mediante vestros caritative informare velitis ad solutionem effectivam et plenariam una cum damnis iuxta eorum promissa in domum meam. Si fecerint ero bene contentus. Sin autem eotunc vestrae sagacitates mihi imputare non dedignentur si ab innocente pro nocente exigero et recipiam ad satisfactionis complementum. Hoc idem possum probabiliter facere et affirmare per literam obligationis in qua praenominati vestrae civitatis iurati cives sub iuramento voverunt et fide data promiserunt ex parte totius civitatis Cibiniensis de omnibus damnis et expensis satisfacere. Datum in Foro Philistorum in die Egidii, anno domini 1464.

Petrus Zedrich.

Auf der Rückseite Adresse: Prudentibus viris domino magistro civium, iudici necnon iuratis consulibus Cibiniensibus.


1) Vorlage oppido. ^{^}
2) Vorlage e. ^{^}