Urkunde Nr. 3400 aus Band VI

Seite im UB:

200

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 236.

Druckvorlage:

nach Original

Abdruck als:

Volltext

Sprache:

Latein

---

3400

Delenii 1464 Oktober 8 Stephan von Hederfaya gestattet den Bewohnern des Stuhls Reussmarkt, ihre Schweine in den zum Distrikt Hamlesch gehörenden Wäldern zu weiden.

Prudentes ac circumspecti viri amici nostri honorandi. Literas vestras nobis exhibitas sane recolligimus intellectu continentes in eo, quomodo nostri familiares in Omlas constituti cohabitatores sedis Zeredahel prohiberent ne cum eorum procis de glandinibus silvae eiusdem districtus Omlas fruerentur, petentes nos sub forma libertatis eorum eosdem permittere ac silvas perfrui. Ad quod vestris respondemus amicitiis, quod nos certitudinis veritatem comperimus ab illo, qui eandem Omlas cum pertinentiis a magnifico Wlad vaivoda tenuit, ut tam ipsi de sede Zeredahel et alii vicini eandem Omlas circumiacientes licentia mediante sub pactatione iuxta voluntatem officialis easdem silvas usi fuissent. Scientes quod in omnibus iuribus nostris et nos permanere praetendimus sicuti et ceteri vestri adhaerentes in eorum perfrui nituntur congaudere libertatibus non pro parvis nostris servitiis regia maiestas eundem districtum contulit perpetue cum omnibus veris et antiquis metis omnium limieitatum, in quibus cum omnibus vicinis nostris et commetaneis pacifice manere volumus neque velitis vos, ut nos in iuribus nostris derogamen percipiamus sicuti vos et vestri coherentes a nobis afectatis. Quicumque enim de eisdem silvis ac montibus cum eorum porcis perfrui praetenderit a nobis aut nostris hominibus prout alias consuetudo fuit, postulet et nos omnem exhibebimus favorem et amicitiam. Datum in castello nostro Scharos vocato feria secunda proxima post festum beati Francisci confessoris, anno domini et cetera LX^mo quarto. Praesentes vero propter absentiam sigilii nostri cum nostri capellani sigillo fecimus consignari.
Stephanus de Hederfaya.

Auf der Rückseite Adresse: Prudentibus ac circumspectis viris iudicibus et iuratis senioribus consulibusque septem sedium Saxonicalium harum partium Transsilvanarum amicis nostris honorandis.