Urkunde Nr. 3416 aus Band VI

Seite im UB:

208-209

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.)

Druckvorlage:

nach Original

Abdruck als:

Volltext

Sprache:

Latein

---

3416

1465 Februar 6 Der öffentliche Notar Albert de Paazthoh bezeugt die Aussage des Melchior Sleyffer von Gilău über die Beschlagnahme des Vermögens von Anthonius Aurifaber und den Einspruch, den der Richter und einige Klausenburger Mitbürger dagegen erhoben haben.

In nomine domini amen. Anno nativitatis millesimo quadringentesimo sexagesimo quinto, indictione tredecima, die vero sexta mensis februarii, hora vesperorum vel quasi, in castro Gyalo in pallatio episcopali diocesis Transsilvanensis, pontificatus sanctissimi in Christo patris et domini nostri domini Pauli divina providentia papae secundi anno eius primo, in nostri notarii publici et testium infrascriptorum praesentia circumspectus Melchior Sleyffer de Gyalo non compulsus sed propria sua voluntate extollens vocem suam et dixit, quod res et bona quondam Anthonii Aurifabri de Cluswar, primi mariti consortis suae, in valore sexaginta florenorum auri pro debitis civitatensium civitatis Cluswar in opido Kew vocato Ladislaus Jakch abstulisset. Quo audito circumspectus Nicolaus Zompol, concivis dictae civitatis Cluswar pro se et in personis ceterorum civium eiusdem civitatis signanter in persona Nicolai filii Petri iudicis, Johannis Hozzywmezey, Lucae Kerekes [S. 209] concivium praedictae civitatis Clwswar personaliter adherentium extitit protestatus. Unde facta huiusmodi protestationem praedictus Nicolaus Zompol nominibus quibus supra petiit a me notario publico subscripto, ut sibi super praemissis conficerem publicum instrumentum, quod et feci meo officio requirendo. Datum et actum anno, die, loco, indictione et pontificatu quibus supra. Praesentibus ibidem honorabilibus et discretis viris dominis Gregorio plebano de Clwswar, altero Gregorio de Quinqueecclesia, artium literarum magistro, et Michaele presbitero, capellano praefati domini Gregorii plebani, testibus fidedignis ad praemissa specialiter rogatis.

(Notarzeichen) Et ego Albertus natus Michaelis de Paazthoh, clericus Strigoniensis diocesis, sacra imperiali auctoritate notarius, quia praedictis dictioni praefati Melcior¹⁾ Sleyffer necnon protestalioni aliisque omnibus et singulis praemissis dum sic ut praemittitur fierent et agerent, unacum praenominatis testibus praesens interfui eaque sic fieri vidi et audivi et in hanc publicam formam manu propria scriptum exinde confeci signoque et nomine meis solitis et consuetis consignavi in fidem omnium et singulorum praemissorum rogatus et requisitus.

Auf der Rückseite von gleichzeitiger Hand: Pro Closwar contra Margaretham Melchioris.


a) Im UB Abbildung des Notarzeichens (Signets) des Albertus de Paazthoh auf Tafel VIII, Bild 3, unten als »Abb. ^{^}

1) So Vorlage.^{^}

Abb.