Urkunde Nr. 3420 aus Band VI

Seite im UB:

211-212

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.)

Druckvorlage:

nach Original

Abdruck als:

Volltext

Sprache:

Latein

---

3420

Klausenburg 1465 März 30 Der öffentliche Notar Stephanus Mathiae Graws bezeugt, dass Richter und Rat von Klausenburg gegen die Zeugenaussage zweier Bürger von Thorenburg in ihrem Prozess gegen Margaretha Sleyffer Einsprache erhoben haben.

In nomine domini amen. Anno nativitatis eiusdem millesimo quadringentesimo sexagesimo quinto, indictionis tredecima, die Saturni, tricesima vero mensis Martii, infra missarum sollemnia in capella beatae Mariae Magdalenae in civitate Coloswar fundata, dyocesis Transsilvanensis, pontificatus autem beatissimi in Christo patris et domini nostri Pauli divina provindentia papae secundi, anno ipsius primo, in me notarii publici testiumque subscriptorum et ad haec legitime rogatorum et vocatorum praesentia personaliter constitutus, providus et circumspectus vir Silvester dictus, civis Thordensis, in sua ac honesti Leonardi Aurifabri de eadem Thorda praedictae dyocesis Transsilvanensis personis propria voluntate ad fidem suam dixit et fassus extit in huiusmodi: Quod quidque discretus Ladislaus, plebanus de Synd, ad fassionem ipsorum Silvestri et Leonardi pridem tempore examinationis testium in praefata Thorda pro parte honestae dominae Margarethae, relictae quondam Anthonii Aurifabri de praefata Coloswar, nunc vero consortis Melchioris Sleyffer de Gyalo et contra iudicem et iuratos cives praefatae civitatis Coloswar productorum in eo, quod ipsi Silvester et Leonardus Vidissent et uti testes deposuissent dum praefatus quondam Anthonius Aurifaber, prior maritus ipsius dominae Margarethae, sexaginta florenos auri de caletha et ladula sua excipisset et ad subsidium civitatis Coloswar iudici et iuratis civibus tunc tempore existentibus tradidisset ob favorem partis ultraquam licuit. Scripsit hoc ipsi Silvester et Leonardus tempore suorum fassionis non illo modo deposuissent, quia nuncque vidissent praefatum quondam Anthonium Aurifabrum de caletha seu ladula sua praedictos sexaginta florenos auri excipientem et pro subsidio civitatis praefatae Coloswar cuipiam iudici seu iuratis civibus tradentem et assignantem et sic publice contradixissent. Sed quod ipsi tempore testamentariae dispositionis praefati quondam Anthonii Aurifabri idem Silvester et Leonardus interfuissent testamento scilicet ipsis nichil constaret de sexaginta florenis auri legationis seu assignationis. Unde facta huiusmodi fassionis prudenti et circumspecti viri Lucas Kerekes, Johannes Hozywmezey, Johannes et Valentinus Syweges, iurati cives saepefatae civitatis Coloswar sollemniter protestati sunt ad fassionem praefatorum Silvestri et Leonardi de praefata Thorda et hoc praesens publicum instrumentum a me notario publico infrascripto quem dare et confici petierunt iure requisito, quod et feci in eo id officio exposcente. Acta sunt haec anno, indictione, die, mense, hora, loco et pontificatu praedictis, praesentibus illud discretis et honestis viris et dominis Achatio Kesmarker, Petro Grawn, Johanne Musum sacerdotibus de praefata Coloswar, Martino Kermissar, Nicolao Jacob et Michaele Nemes, iuratis civibus de eadem aliisque pluribus fidedignis testibus ad praemissa rogatis, vocatis et legitime requisitis.

(Notarzeichen) Et Ego Stephanus Mathiae Graws de civitate Coloswar, Transilvanensis dyocesis, publicus sacra imperiali auctoritate notarius, quia praemissis fassioni, contradictioni et protestationi omnibusque aliis et singulis praemissis, dum sic ut praemittere fientur et agerentur, unacum praenominatis testibus praesens interfui eaque omnia et singula praemissa sic fieri [S. 212] vidi et audivi. Ideo hoc prasens publicum instrumentum manu mea propria conscriptum exinde confeci et in hanc publicam formam redegi, signoque et nomine meis solitis et consuetis consignavi rogatus, vocatus et legitime requisitus in fidem et testimonium omnium et singulorum praemissorum.


a) Im UB Abbildung des Notarzeichens (Signets) des Stephanus Matthiae Graws de Coloswar auf Tafel VIII, Bild 4, unten als »Abb. ^{^}

Abb.