Urkunde Nr. 3435 aus Band VI
- Seite im UB:
- 221-222
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Heutige Signatur:
- Stadt Klausenburg [Primăria Oraşului Cluj] (Inventar 1ff.), Priv. A A 6.
- Druckvorlage:
- nach Original
- Abdruck als:
- Volltext
- Sprache:
- Latein
3435
Ofen 1465 August 26 König Matthias verbietet den Söhnen des Stephan Ban von Losoncz, die Klausenburger auf Betreiben des Michael Poka weiter zu belästigen und verweist diesen auf den Rechtsweg. Orig. Pap. Arh. St. Cluj-Napoca, Stadtarchiv Cluj-Napoca A.A. 6. Siegel, rund. Dm. 64 mm, war in rotes Wachs vorne aufgedrückt.
Von der Kanzlei: Commissio propria domini regis.
Mathias dei gratia rex Hungariae, Dalmaciae, Croaciae et cetera fidelibus nostris universis et singulis praelatis, baronibus, comitibus, castellanis, nobilibus ipsorumque officialibus item civitatibus, opidis et villis earumque rectoribus, iudicibus et villicis alterius etiam cuiusvis status et conditionis hominibus et signanter egregiis Ladislao, Johanni, Georgio et Michaeli filiis condam Stephani bani de Losoncz salutem et gratiam. Exponitur in personis fidelium nostrorumque circumspectorum iudicis, iuratorum ceterorumque civium ac totius communitatis civitatis nostrae Koloswar, quomodo vos ipsos ad inslantiam cuiusdam Michaelis Poka nuper per fidelem nostrum magnificum Johannem Pongoracz de Dengeleg waiwodam Transsilvanum propter sua demerita exsecati in vestris terris, tenutis, possessionibus, honoribus, officiolatibus ac vestri in medio minus iuste et indebite diversimodo impediretis ac res et bona eorundem arrestaretis in praeiudicium et damum eorundem exponentium non modicum. Et quia nos praefatos iudicem ac iuratos ceterosque cives dictae civitatis nostrae Koloswar per quempiam indebite impedire et turbari nolumus, ideo fidelitati vestri firmiter praecipiendo mandamus, [S. 222] quatenus a modo deinceps dictos iudicem, iuratos ceterosque cives et communitatem dicti civitatis nostrae Koloswar aut aliquem ex ipsis ad instantiam praefati Michaelis Poka in personis aut rebus et bonis eorum quibusvis impedire et turbare nullatenus praesumatis. Si enim quidquam actionis seu quaestionis idem Michael Poka contra praefatos exponentes habet vel habere sperat, id coram nobis iuridice prosequatur cui parte praefatorum civium nostrorum iudicium et iustitia non deerit evidens et condigna. Secus ergo non facturi. Praesentibus perlectis exhibenti restitutis. Datum Budae feria secunda proxima post festum beati Bartholomaei apostoli, anno domini millesimo quadringentesimo sexagesimo, quinto, regni nostri anno octavo, coronationis vero secundo.
Auf der Rückseite von gleichzeitiger Hand: Litera, ut filii bani propter actionem Mihalcze nullum impediant.