Urkunde Nr. 3440 aus Band VI
- Seite im UB:
- 224
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Heutige Signatur:
- Urkundensammlung [Colecţia de documente medievale], Serie U. II (Inventar 25 ), Nr. 240.
- Druckvorlage:
- nach Original
- Abdruck als:
- Volltext
- Sprache:
- Latein
3440
Tétény 1465 September 10 König Matthias verbietet Richter, Rat und Bürgerschaft von Kronstadt und des Burzenlandes, die Kaufleute der Sieben Stühle am kleinweisen Kauf und Verkauf von Waren zu behindern. Orig. Pap. Arh. St. Sibiu U. II. 240. Siegel, rund, Dm. 64 mm, war in rotes Wachs vorne aufgedrückt.
Druck: Teleki, Hunyadiak kora (
») XI, 143 Nr. 381.
Mathias dei gratia rex Hungariae, Dalmaciae, Croaciae et cetera fidelibus nostris iudici, iuratis ceterisque civibus et toti communitati civitatis nostrae Brassoviensis et terrae Barcza Saxonibus universis salutem et gratiam. Querelam fidelium nostrorum universorum Saxonum septem sedium Saxonicalium partium Transsiluanarum regni nostri maiestati nostrae porrectam accepimus continentem, quomodo sicuti ipsi a praeteritis temporibus nunquam pannum aut telam in vestri medio cum ulnis ac etiam alias res cum libris et aliis parvis ponderibus vendiderunt, sic et vos in ipsorum medio similiter pannum et telam cum ulnis ac alias res cum libris ac aliis minutis ponderibus sed et vinum et mel venditioni exponere non fuissetis liberi. Nunc autem vos virtute quarundam literarum contra iura et libertates eorum huiusmodi negotiationes vestras in ipsorum medio exercere attemptassetis et attemptare niteremini etiam in futurum. Et quia nos nolumus eosdem exponentes in iuribus eorum quoquomodo turbari, ideo fidelitati vestrae firmiter mandamus, quatenus a modo in posterum sicuti ipsi praecriptas eorum negotiationes in vestri medio usque modo non exercuerunt, ita nec vos quoque negotiationes vestras cum dictis rebus in eorum medio exercere audeatis contra consuetudines antiquas, nam nos praefatos exponentes in eorum iuribus illaese volumus conservare. Secus ergo non facturi; praesentibus perlectis exhibenti restitutis. Datum in Thethen feria tertia proxima post festum nativitatis beatae Mariae virginis, anno domini millesimo quadringentesimo sexagesimo quinto, regni nostri anno octavo, coronationis vero secundo.