Urkunde Nr. 3445 aus Band VI

Seite im UB:

227-228

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Heutige Signatur:

III, 7.

Druckvorlage:

nach Original

Abdruck als:

Volltext

Sprache:

Latein

---

3445

Rom [1465] Dezember 18 Papst Paul II. trägt dem siebenbürgischen Bischof und zwei seiner Archidiakonen auf, die Klagen des Klausenburger Stadtpfarrers gegen die Bettelorden zu untersuchen.

Paulus episcopus servus servorum dei venerabili fratri episcopo Transiluano et dilectis filiis Siculorum ac de Hunyat in ecclesia Transiluana archidiaconis, salutem et apostolicam benedictionem. Querelam dilecti filii Georgii¹⁾ rectoris¹⁾ parochialis ecclesiae opidi Colozwar Transiluanae diocesis accepimus continentem, quod guardianus sancti Francisci ac sancti Dominici et beatae Mariae ac sancti Augustini eiusdem opidi priores domorum ac fratres eorundem²⁾ mino-[S. 228] tum, praedicatorum, heremitarum eiusdem sancti Augustini ac beatae Mariae de monte Caremeli³⁾ ordinum⁴⁾ parochianos dictae ecclesiae ab illius visitatione diebus dominicis et festivis retrahentes, eos diebus ipsis temere ad divina recipere eisque ecclesiastica sacramenta exhibere, ac iuxta decretalem a felicis recordationis Bonifatio papa VIII praedecessore nostro, quae incipit: Super cathedram editam, et deinde per piae memoriae Clementem papam V etiam praedecessorem nostrum in Viennensi consilio innovatam ad confessiones audiendas minime deputati parochianorum eorundem confessiones audire, nec non parochianorum dictae ecclesiae defunctorum corpora, quamvis ipsi apud ecclesias domorum earundem non eligant sepulturam, ecclesiasticae sepulturae tradere praesumpserunt, nec non de funeralibus et relictis defunctorum praedictorum etiam apud easdem ecclesias eorum sepulturam eligentium quartam sive canonicam portionem eidem rectori a⁵⁾ praefatis⁵⁾ guardiano⁵⁾, prioribus et fratribus iuxta dictam decretalem debitam sibi exhibere recusarunt hactenus et recusant, in animarum suarum periculum dictique rectoris praeiudicium non modicum⁵⁾<fnz>et gravamen. Quare idem rector nobis humiliter supplicavit, ut sibi super hoc iustitiae ministerio subvenire paterna diligentia curaremus. Quocirca discretioni vestrae per apostolica scripta mandamus, quatenus vocatis, qui fuerint evocandi, et auditis hincinde praepositis, quod iustum fuerit appellatione remota decernatis facientes, quod decreveritis per censuram ecclesiasticam firmiter observari. Testes autem, qui fuerint nominati, si se gratia, odio vel timore subtraxerint, censura simili appellatione cessante compellatis veritati testimonium perhibere, non obstantes si eisdem ordinibus a sede apostolica indultum existat, quod personae ipsorum ordinum ad iudicium trahi aut suspendi vel excommunicari, seu ipse aut dictorum ordinum loca interdicti non possint, per literas apostolicas non facientes plenam et expressam ac de verbo ad verbum de indulto huiusmodi et qualibet alia dictae sedis indulgentia generali vel speciali cuiuscumque tenoris existat, per quam praesentibus non expressam vel totaliter non insertam, vestrae iurisdictionis explicatio in hac parte valeat quomodolibet impediri. Quae quoad hoc ipsis nolumus aliquatenus suffragari, quod si non omnes his exequendis potueritis interesse, duo aut unus vestrum ea nihilominus exequantur. Datum Romae apud sanctum Marcum, anno incarnationis dominicae millesimo quadringentesimo sexagesimo quinto, quintodecimo Kalendas Januarii, pontificatus nostri anno secundo.

Auf der Rückseite auf der Plica: C. de Narnia.

<fnzt>1) Richtig Gregorii; orii rectoris auf Rasur. [2x]</fnzt> <fnzt>2) Vorlage earundem.</fnzt> <fnzt>3) Das erste e über der Zeile. </fnzt> <fnzt>4) monte Caremeli ordinum auf Rasur.</fnzt> <fnzt>5) Auf Rasur. [4x]</fnzt>