Urkunde Nr. 3448 aus Band VI

Seite im UB:

230

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Abt. I. ba (Stenner, Series latina), Nr. 17.

Druckvorlage:

nach Original

Abdruck als:

Volltext

Sprache:

Latein

---

3448

Grosswardein 1466 Januar 11 Der Rat von Grosswardein bezeugt die Aussage des Symon Sartor de Prasmar über den Verkauf von Besitzteilen in Zărneşti und Tohan an die Stadt Kronstadt.

Nos Lucas Sartor iudex iuratiaue cives ac universi hospites civitatis Waradiensis de vico Wadkerth memoriae commendamus, quod circumspectus Symon Sartor de Prasmar civis civitatis Quinqueecclesiensis nostram personaliter veniens in praesentiam sponte est confessus organo vivae vocis in hunc modum, quomondo ipse totales portiones possessionarias in possessionibus Czerne et Thwhan vocatis in comitatu Albae Gyvlensi et pertinentiis civitatis Brassouiensis existentibus et habitis ipsum omnis iuris titulo concernentes, cum omnibus eorum utilitatibus et pertinentiis videlicet terris arabilibus, cultis et incultis, fenetis, pratis, silvis, nemoribus, pascuis, aquis aquarumque decursibus et piscinis ac generaliter quibusvis integritatibus ad dictas portiones possessionarias spectantibus et pertinere debentibus, circumspectis universis civibus et consulibus praedictae civitatis Brassouiensis pro quinquaginta florenis auri puri et uno culcitro plene persolutis nullum ius nullamve proprietatis dominii in dictis portionibus possessionariis sibi ipsi reservandi, sed totum et omne ius in ipsos cives transferendi dedisset et vendidisset nostrique dedit asscripsit et vendidit iure perpetuo et irrevocabiliter in praesentia tenendum, habendum, pariter et possidendum. Harum nostrarum vigore et testimonio praesentium mediante. Datum sabbato proximo post festum Epiphaniarum domini, anno domini millesimo quadringentesimo sexagesimo sexto.

Auf der Rückseite von gleicher Hand: Civium Brassouiensium.