Urkunde Nr. 3452 aus Band VI

Seite im UB:

232-233

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Béldi [Fond Familial Béldi] (Inventar 1152).

Druckvorlage:

nach Original

Abdruck als:

Volltext

Sprache:

Latein

---

3452

Kronstadt 1466 Januar 27 Der siebenbürgische Woiwode Johannes von Skt. Georgen und Bösing bezeugt, dass die Adligen von Kreuzburg und Budila mit den Vertretern des Marktes Tartlau übereingekommen sind, ihren Streit wegen Errichtung eines Dammes durch die Tartlauer beizulegen bzw. ihn in der siebenbürgischen Ständeversammlung vom 30. April auszutragen.

Nos Johannes comes de Sancto Georgio et Bozin vaivoda Transsilvanus Siculorumque comes memoriae commendamus, quod nobis feria secunda proxima [S. 233] post festum conversionis beati Pauli apostoli in civitate Brassoviensi constitutis venientes nostri in praesentiam nobiles Teel de Nyen, Anthonius Porkolab de Bodola, Martinus de eadem, Ladislaus Forro de Haporthon ac Oswaldus frater carnalis eiusdem ut actores ab una, parte siquidem ex altera iudex civitatis praedictae Brassoviensis ac alter iudex et iurati seniores de opido Prasmar uti in causam attracti per eosdem spontanea eorum voluntate confessum extitit in hune modum pariter et relatum: Quod quamvis iidem ratione usuum et fructuum ac utilitatum silvarum, aquarum, piscaturarum pratorumque humulorum praefatorum nobilium in metis videlicet possessionum antedictarum Nyen et Bodola existentium per praenominatos iudicem ac seniores sed et totam communitatem praedicti opidi Prasmar indebita et minus iusta fruitione et perceptione ac super quadam indebita erectione cuiusdam structurae vulgo gath vocatae per quam segetes et fenilia dictorum nobilium de Bodola per aquarum inundantiam periclitarentur et annihilarentur, coram nobis lites movere die in praesenti praetendissent. Tamen ipsi matura deliberatione inter se praehabita ad talem pacis et concordiae devenissent unionem et devenerint coram nobis, ut praemissae causae inter easdem motae isque festum beati Georgii martiris proxime venturum statu in eodem permaneant sic videlicet, ut si usque ipsum festum beati Georgii martiris super praemissis concordari et pacificari per interventum proborum virorum non possent aut non valerent, extunc in octavis praenotati festi beati Georgii martiris proxime, ut praefertur, affuturis utraque pars cum omnibus literis et iuribus ac literalibus eorum instrumentis coram nobis aut vicevaivodis nostris regnicolarum harum partium Transsilvanarum in praesentia constitui et comparere debeant et teneantur, ubi unacum ipsis regnicolis revisis ambarum partium literis et iuribus iudicium et iustitiam partes inter utrasque impartiri et elargiri valeamus. Ad quae partes praenotatae se sponte obligarunt coram nobis. Dalum die et loco in praenotatis, anno domini millesimo quadringentesimo sexagesimo sexto.