Urkunde Nr. 3467 aus Band VI

Seite im UB:

241-242

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.)

Druckvorlage:

nach Original

Abdruck als:

Volltext

Sprache:

Latein

---

3467

1466 Juni 3 Der öffentliche Notar Stephanus Mathie Graws von Klausenburg bezeugt, dass der Pfarrer Stephan von Sächsisch-Fenisch sich weigert, über Margarethe Sleyffer von Gilău Schulden halber, die sie nicht bezahlt hat, den Bann auszusprechen.

In nomine domini amen. Sub anno a nativitate eiusdem millesimo quadringentesimo sexagesimo sexto, indictione quarta decima, die vero martis mensis iunii prima, in possessione Zazfenes vocata, dyocesis Albensis Transsilvanae, in domo habitationis providi viri Johannis Modrer dicti, concivis de eadem, hora nona vel quasi, pontificatus autem beatissimi in Christo patris et domini nostri domini Pauli divina providentia papae secundi anno secundo, in mei notarii publici testiumque subscriptorum ad haec legitime vocatorum et rogatorum praesentia personaliter constitutus circumspectus Martinus de Byrthalom, notarius civitatis Koloswariensis, procurator et nomine procuratoris prudentum ac circumspectorum virorum Lucae Kerekes, iudicis, Johannis Hozywmezey et Stephani Feyr dictorum civium ac aliorum litis ipsorum consortum concivium et cohospitum civitatis iamdictae honorabilem virum dominum Stephanum, plebanum de dicta Zazfenes, facie ad faciem repertum cum mandato literatorum egregii domini Michaelis de Draghettis, decretorum doctoris, canonici ecclesiarum Bononiensis et Bachiensis ac reverendissimi in Christo patris et domini domini Stephani dei et apostolicae sedis gratia ecclesiarum Collocensis et dictae Bachiensis canonice unitarum archiepiscopi et cetera, in dicta ecclesia Bachiensi vicarii in spiritualibus et causarum auditoris generalis expensarum, taxationum, excommunicationum, aggravationum et reaggravationum in se continente, pro parte dictorum iudicis, civium et hospitum contra dominam Margaretha vocatam, relictam quondam Anthonii Aurifabri de Koloswar nunc vero consortem Melchioris Sleyffer dicti de Gyalo, ratione non solutionis certarum expensarum videlicet centum et quinquaginta quinque florenorum auri super ipsam dominam in praedicta sede Bachiensi eorum praetitulato domino Michaele decretorum doctore, canonico et vicario iudicialiter obtentarum emanato et in specie exhibito instanter, instantius et instantissime requisivit talimodo subscripto quoque praefata domina Mar-[S. 242] garetha ante viginti unius dierum spatia canonice et sufficienter facie etiam ad faciem reperta pro parte praetactorum iudicis, civium et hospitum de supradicta Koloswar ammonita, pro expensis in causa pro quibusdam sexaginta florenis auri mota et ventilata subsecutis et super ipsam in praefata sede Bachiensi coram memorato domino vicario, ut praemittitur, iudicialiter reobtentis praenominatis iudici et civibus satisfacere vel se alias cum eisdem amicabiliter componere non curasset neque curaret etiam de praesenti, ut idem dominus Stephanus, plebanus de praedicta Zazfenes, iuxta continentias literarum mandatorum annotati domini doctoris, canonici et vicarii Bachiensi singulis diebus dominicis et festivis dum maior ad divinia audiendum in ecclesiam fidelium converteret multitudo et cetera excommunicare et publici excommunicatam fore denuntiare¹⁾ et si anno persistetur indurato tandem elapsis terminis a iure constitutis aggravare et reaggravare deletur. Quae omnia praedictus Stephanus plebanus de saepefata Zazfenes facere et exequi manifeste recusavit allegans quo metu ductus prae domino suo episcopo Transsilvano illa facere et exequi non auderet. Super quibus omnibus et singulis praemissis praememoratus Martinus procurator et procuratorio nomine quorum supra sibi a me notario publico infrascripto unum vel plura publicum seu publica totquot forent notitiam confici petiit instrumentum seu instrumenta. Acta et gesta sunt haec anno, indictionis, die, mense, hora, loco et pontificatu quibus supra. Praesentibus ibidem providis viris Matheo Cultellifabro de Gyalo, Mathia Literati et Paulo Zekeres dicto de Koloswar, laicis praedictae diocesis Transsilvanae aliisque quam pluribus testibus fidedignis ad praemissa vocatis specialiter et rogatis.

(Notarzeichen) Et ego Stephanus Mathie Graws de civitate Koloswar, clericus dyocesis Transsilvanae, publicus sacrae imperiali auctoritate notarius, quia praemissus facie ad faciem repercutioni literarum mandatorum in specie exhibitioni, requisitioni, recusationi et allegationi omnibusque aliis et singulis praemissis, dum sic ut praemittere fientur et agentur unacum praenominatis testibus praesens interfui eaque sic fieri vidi et audivi, ideo praesens publicum instrumentum me aliis arduis negotiis plurimum occupato, per alium notarium fideliter conscriptum, exinde confeci manu propria me subscribentem in hanc formam publicam redigi signaque et nomine meis solitis et consuetis roborantes consignavi in fidem et testimonium omnium praemissorum rogatus et legitime requisitus.

Auf der Rückseite von anderer Hand des 15. Jhs.: Contra plebanum de Zasfenes.


1) Vorlage denuncciare.^{^}