Urkunde Nr. 3469 aus Band VI

Seite im UB:

245-246

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 243.

Druckvorlage:

nach Original

Abdruck als:

Volltext

Sprache:

Latein

---

3469

Ofen 1466 Juli 7 König Matthias weist den Hermannstädter Rat an, die beiden neuen Münzeinheiten nach Form und Legierung der Ofner Münzkammer ausprägen zu lassen.

Von der Kanzlei: Commissio domini regis. [S. 246]

Mathias dei gratia rex
Hungariae, Dalmaciae, Croaciae et cetera.

Prudentes et circumspecti viri fideles nobis dilecti. Quia praesentes duas monetas nostras, quarum unius maioris videlicet centum, alterius vero scilicet minoris ducenti denarii pro floreno cursum habebunt etiam in illa cammera nostra Cibiniensi, sicuti in camera nostra Budensi cudi facere statuimus. Ideo fidelitati vestrae firmiter praecipiendo mandamus, quatenus visis praesentibus iuxta informationem hominum fidelis nostri Balthasari Ekenperger camerarii nostri, praesentium scilicet ostensorem in illa camera nostra Cibiniensi omnino sub hiisdem modo, forma et lega, quibus hic in camera nostra Budensi cuduntur, cudi faciatis, ac eis et non aliis in emptionibus et venditionibus rerum quarumque uti debeatis, et in pertinentiis vestris ubilibet eas recipere faciatis. Videatis etiam, ne eaedem monetae ultra dictam dispositionem nostram cambiantur, nam si aliqui in vestri medio et pertinentiis vestris ipsas monetas pluribus quam centum vel ducentis denariis cambientes reperti fuerint, neminem nisi vos eo punire volumus. Datum Budae feria secunda proxima post festum visitationis beatae Mariae virginis, anno domini millesimo quadringentesimo sexagesimo sexto, regni nostri anno nono, coronationis vero tertio.

Auf der Rückseite Adresse: Prudentibus et circumspectis magistro civium, iudici et iuratis civibus civitatis nostrae Cibiniensis fidelibus nobis dilectis.