Urkunde Nr. 3476 aus Band VI

Seite im UB:

250-251

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 29 082.

Druckvorlage:

nach Original

Abdruck als:

Volltext

Sprache:

Latein

---

3476

Gilău 1466 August 13 Der öffentliche Notar Stephan Mathie Graws von Klausenburg bezeugt, dass in dem Prozess zwischen Margarethe, der Gattin des Melchior Sleyffer aus Gilău und mehreren Klausenburger Ratsherren die erwähnte Margarethe, ihr Gatte und der Bischof von Weissenburg von den dafür eingesetzten geistlichen Richtern zitiert worden sind.

In nomine domini amen. Anno nativitatis eiusdem millesimo quadringentesimo sexagesimo sexto, indictione quartadecima, die Mercurii, tredecima mensis Augusti, praecise infra missarum sollemnia in opido Gyalw vocato Transsilvanensis dyocesis, pontificatus autem sanctisimi in Christo patris et domini nostri Pauli divina providentia papae secundi anno secundo, in mei notarii publici et testium infrascriptorum et ad haec legitime rogatorum et vocatorum praesentia personaliter constitutus circumspectus Georgius Kathana dictus procurator et procuratorio nomine circumspectorum Lucae Kerekes, Johannis Hozzwmezey, Stephani Feyer, Johannis Koch, Jacobi Schorel ac aliorum litis consortum iuratorum civium de dicta Koloswar omnibus melioribus modo, via, iure et forma quibus melius et efficacius debuit et potuit quasdam literas venerabilis domini Johannis de Pankotha custodis et canonici ecclesiae Bachiensis necnon vicarii generalis episcopatus ecclesiae Chanadiensis citatorie, monitorie et inhibitionem in se continentem ad mandatum reverendissimi in Christo patris et domini domini Stephani dei et apostolicae sedis gratia archiepiscopi Collocensis et cetera in causa et causis inter honestam dominam Margaretham relictam condam Anthonii Aurifabri nunc vero consortem Melchioris Sleyffer de Gyalw ut actricem ab una ac supra dictos cives tamquam in causam attractos partibus ab altera in sede Albensi episcopatus Transsilvaniae ratione sexaginta florenos auri mota seu motis ac tandem per viam appellationis ad sedem metropolitanam adductis patenter emanatas et eius vero sigillo consignatas, valvis parochialis ecclesiae in honore beati Nicolai episcopi et confessoris fundatae reverendo in Christo patre et domino domino Nicolao dei et apostolicae sedis gratia episcopo Transsilvano in castro suo in dicta Gyalw constructo et annotatis domina Margaretha et Melchiore Sleyffer in ipso opido Gyalw pro tunc personaliter et praesentialiter existent ibus ac habentibus et comorantibus sub summo officio eo tempore, quod canebatur kyrieleyzon specietenus affixit et usque post functionem eiusdem summi officii valvis dicti ecclesiae affixam promisit et sonoro praeconio ad aures praetactorum domini Nicolai episcopi Transsilvani, dominae Margarethae et Melchiori Sleyffer devenire fecit et finito officio ipsa litera specietenus deposita eius copiam dictis ecclesiae valvis ex superhabundanti affixit. Et ut praedictae citatio, monitio et inhibitio antedictis domino episcopo, Melchiori Sleyffer et Margarethae eius consorti magis patefierent ibidem annexam reliquit. Item eisdem anno, indictione, die, mense, hora [S. 251] quinta vel quasi in possessione Zazfenes vocata dyocesis Transsilvanensis et pontificatu quibus supra idem Georgius Kathana procurator et nomine procuratorio quorum supra honorabilem dominum Stephanum plebanum de dicta Zazfenes in domo et dote sua facie ad faciem repertum cum eisdem literis quemadmodum et supradictos dominum episcopum Transsilvanensem, Melchiorem Sleyffer et Margaretham eius consortem citavit, amonuit et inhibuit ipsisque omnibus supradictis terminum videlicet nonagesimam diem coram supradicto domino Johanne de Pankatha et cetera Bachiae aut Chanadini comparentibus praefixit et assignavit. Super quibus omnibus et singulis praemissis praenotatus Georgius Kathana requisivit me notarium publicum infrascriptum, ut sibi et parti suae superinde unum vel plura publicum seu publica conficerem instrumentum seu instrumenta. Acta sunt haec anno, indictione, die, mense, horis, locis et pontificatu praedictis. Praesentibus ibidem discretis, providis et honestis viris Johanne presbytero et capellano praefatae Zazfenes, altero Johanne, vitrico de eadem Zazfenes, Petro Abel de dicta Koloswar et Laurencio Literato, rectore scolae in dicto opido Gyalw, aliisque pluribus fidedignis testibus ad praemissa rogatis, vocatis et legitime requisitis.

(Notarzeichen) Et ego Stephanus Mathie Graws de civitate Coloswar, clericus diocesis Transsilvanae, publicus sacrae imperialis autoritate notarius, quia praemissarum literarum affictionem, citationem, monitionem et inhibitionem omnibusque aliis et singulis praemissis dum sic ut praemittitur fierent et agerentur unacum praenominatis testibus praesens interfui, eaque omnia et singula praemissa sic fieri vidi et audivi. Ideo hoc praesens publicum instrumentum exinde confeci et in hanc publicam formam redegi signoque et nomine meis solitis et consuetis roboravi et consignavi in fidem et testimonium omnium et singulorum praemissorum rogatus, vocatus et legitime requisitus.