Urkunde Nr. 3486 aus Band VI

Seite im UB:

257

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden Nr. 42.

Druckvorlage:

nach Original

Abdruck als:

Volltext

Sprache:

Latein

---

3486

Ofen 1466 September 12 König Matthias ordnet an, dass die Bewohner von Desch das dort geschlagene Salz nach dem Markt Csetnek verführen dürfen.

Von der Kanzlei: Commissio domini regis.

Mathias dei gratia rex Hungariae, Dalmaciae, Croaciae et cetera fidelibus nostris camerariis vel vicecamerariis in camera nostra Maromarusiensi nunc constitutis et in futurum constituendis ac in omnibus aliis cameris filialibus ad eandem pertinentibus cunctis etiam hominibus eorundem camerariorum, quibus praesentes ostenduntur, salutem et gratiam. Quia nos commisimus fidelibus nostris incolis et inhabitatoribus oppidi nostri Dees, ut ipsi sales nostros de ipsa camera nostra Dees versus oppidum Chetnek deferant, ideo fidelitati vestrae harum serie firmiter praecipientes mandamus, quatenus dum et quando inhabitatores et incolae dicti oppidi nostri Dees sales nostros versus dictum oppidum nostrum Chetnek detulerint et vos praesentibus requisitos habuerint, extunc eosdem cum huiusmodi salibus libere ire et transire permittatis et in aliquo impedire nullatenus praesumatis. Alioquin commisimus et praesentibus strictius committimus fidelibus nostris comitibus vel vicecomitibus et iudicibus nobilium illorum comitatuum, in quibus forsitan aliquis vestrum huiusmodi mandata nostra¹⁾ non observaret, necnon egregio Blasio Literato, castellano castri nostri Mwkach, ut ipsi vos et quemlibet vestrum ad praemissa facienda artius compellant et adstringant, autoritate nostra praesentibus ipsis in hac parte attributa mediante. Secus ergo non facturi. Praesentibus perlectis exhibenti restitutis. Datum Budae feria sexta proxima post festum nativitatis beatae Mariae virginis, anno domini millesimo quadringentesimo sexagesimo sexto, regni nostri anno nono, coronationis vero tertio.

Auf der Rückseite von gleichzeitiger Hand: Ad Cytnek transire possunt Dees cum salibus super curris.


1) Schrift verblasst und unleserlich.^{^}