Urkunde Nr. 3495 aus Band VI

Seite im UB:

262-263

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 172.

Druckvorlage:

nach Original

Abdruck als:

Volltext

Sprache:

Latein

---

3495

Komorn 1466 November 5 König Matthias bestätigt die Heilig-Leichnams-Bruderschaft an der Marienkirche in Kronstadt im Besitz der Liegenschaften Zărneşti und Tohan.

Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod nos ob devotionem nostram, quam ad sacratissimum corpus Christi iugiter habemus, possessiones Zernee et Thwha vocatas in terra Barcza partium Transsiluanarum regni nostri existentes, in quarum pacifico dominio confraternitas eiusdem sacratissimi corporis Christi in ecclesia beatae Mariae virginis in civitate nostra Brassouiensi fundata pro peragendis divinis officiis ad honorem ipsius corporis Christi disposita a dudum perstitisse persistereque asseritur etiam de praesenti. Simul cum omni iure nostro regio si quod in eisdem possessionibus qualitercumque haberemus aut nostram ex quibuscumque causis, viis, modis et rationibus concernerent maiestatem ac pariter cum cunctis suis utilitatibus et pertinentiis quibuslibet terris scilicet arabilibus, cultis et incultis, agris, pratis, pascuis, campis, fenilibus, silvis, nemoribus, montibus, vallibus, aquis, fluviis piscaturis aquarumque decursibus, molendinis ac molendinorum locis et generaliter quarumlibet utilitatum et pertinentiarum suarum integritatibus quovis nominibus vocabulo vocitatis sub suis veris metis et antiquis praemissis sic ut praefertur stantibus et se habentibus memoratae confraternitati novae nostrae donationis titulo dedimus, donavimus et contulimus, imo damus, donamus et conferimus iure perpetuo et irrevocabiliter tenendas, possidendas pa-[S. 263] riter et habendas, salvo iure alieno, harum literarum nostrarum vigore et testimonio mediante. Quas in formam nostri privilegii redigi faciemus dum nobis in specie fuerint reportatae. Datum in Komaron in festo beati Emerici ducis, anno domini millesimo quadringentesimo sexagesimo sexto, regni nostri anno nono, coronationis vero tertio.

Auf der Rückseite von der Kanzlei: Regestrata.

Von gleichzeitiger Hand: Literae supra donatione Tuchna et Zerne.