Urkunde Nr. 3513 aus Band VI

Seite im UB:

272

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 82.

Druckvorlage:

nach Original

Abdruck als:

Volltext

Sprache:

Latein

---

3513

Kosztolány 1467 Januar 20 König Matthias trägt dem Rat von Bistritz auf, den Martinzins an Benedikt Bornemisza abzuführen.

Von der Kanzlei: Commissio propria domini regis.

Mathias dei gratia rex Hungariae, Damaciae, Croaciae et cetera fidelibus nostris prudentibus et circumspectis iudici iuratis ceterisque civibus et communitatis civitatis nostrae Bistriciensis salutem et gratiam. Scribitis nobis quod iam binas literas nostras vobis misissimus, quarum una mediante mandassemus vobis¹⁾, ut census vestros²⁾ ordinarios, quos nobis³⁾ circa festum beati Martini confessoris proxime praeteriti⁴⁾ in argento solvere debeatis, cuiusque solutionem ad festum nativitatis domini⁵⁾ similiter proxime praeteriti certis ex causis prorogassemus hominibus egregii Johannis Gereb de Vingarth persolveretis, in aliis autem literis nostris similiter mandassemus vobis, ut ipsos census hominibus reverendi in Christo patris domini Oswaldi episcopi ecclesiae Zagrabensis dare et persolvere deberetis. Unde petitis a nobis de novo⁶⁾ informationem in solutione ipsius argenti quid⁷⁾ facturi sitis. Quare denuo mandamus vobis harum serie firmiter, quatenus receptis praesentibus non curatis aliis quibuscumque literis et mandatis nostris huiusmodi argentum, qui e medio vestri pro censu vestro nobis provenire debeat, ad manus nobilis Benedicti Bornemiza hominis videlicet praefati domini Oswaldi episcopi et nemini alteri dare et assignare debeatis et teneamini; secus non facturi. Praesentes tandem retineatis pro expeditione. Datum in descensu nostro exercituali fortalitio Koztolan in festo beatorum Fabiani et Sebastiani martyrum, anno domini millesimo quadringentesimo sexagesimo septimo, regni nostri anno nono, coronationis vero tertio.


1) Vorlage: vbis. ^{^}
2) Vorlage: vestras. ^{^}
3) Verbessert aus: ordinarias, quas vobis. ^{^}
4) November 11.^{^}
5) Dezember 25.^{^}
6) Vorlage: de nvo, vor n ein Schaft getilgt.^{^}
7) An dem Zeilenende nachgetragen.^{^}