Urkunde Nr. 3522 aus Band VI

Seite im UB:

278

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

3522

Ofen 1467 März 21 König Matthias verbietet den Einwohnern von Radla, die Waltersdorfer an der freien Ausübung ihres Weiderechtes zu hindern und vereinigt die Weiden beider Gemeinden.

Von der Kanzlei: De commissione domini regis.

Mathias dei gratia rex Hungariae, Dalmaciae, Croaciae et cetera fidelibus nostris populis et hospitibus villae Radla ac officialibus eiusdem pro tempore existentibus, item omnibus aliis hominibus partium regni nostri Transsilvanarum praesentes visuris salutem et gratiam. Intellegi datur maiestati nostrae in persona fidelium nostrorum populorum et inhabitatorum villae nostrae Kysdemether appellatae ad civitatem nostram Bistriciensem pertinentis, quomodo multiplicas differentiae saepe orirentur inter vos et etiam invadiationes fierent¹⁾ eo quod animalia eorum et pecora in locis et pascuis vestris pascerentur. Cum autem in terris usualibus de lege regni nostri pecudes quorumcumque sine contradictione pasci consueverunt, igitur nos hoc idem apud vos observari volentes, fidelitati vestrae mandamus, quatenus amodo deinceps calumnia omni abiecta pecudes et pecora dictae villae nostrae Kysdemether et aliarum villarum nostrarum pertinentiarum scilicet dictae civitatis nostrae Bystriciensis in terris usualibus, quae dum ipsae villae Radla et Kysdemether una ad ipsam civitatem nostram Bystriciensem pertinebant ut accepimus ad communem usum animalium dictarum villarum nullo medio pertinebant pacifice vagari et pasci permittatis et per vestros permitti faciatis quod et eaed[em] ²⁾ villae nostrae facere et vobis omnibus observare tenebuntur [le] ³⁾ge praefata requirente. Secus ergo non facturi; praesentibus perlectis exhibenti restitutis. Datum Budae sabbato proximo ante dominicam Ramispalmarum, anno domini millesimo quadringentesimo sexagesimo septimo, regni nostri anno decimo, coronationis vero tertio.

Unten rechts: Lecta. [S. 279]


1) Über der Zeile.^{^}
2) Lücke 16 mm.^{^}
3) Lücke 3 mm.^{^}