Urkunde Nr. 3526 aus Band VI

Seite im UB:

280-281

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 87 a.

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

3526

Rom 1467 März 31 Die Kardinäle Bissarion u.a. verleihen den Bruderschaften der Geistlichen und Weltlichen von Bistritz und Kiralia einen Ablass von 100 Tagen, den der siebenbürgische Bischof Nikolaus um weitere 40 Tage verlängert.

Bissarion episcopus Tusculanus, Nicenus, Johannes tituli sancti Martini in montibus, Nicolaus tituli sanctae Ceciliae Theanensis, Franciscus miseratione divina tituli sancti Eustachii sacrosanctae Romanae ecclesiae cardinales universis et singulis Christi fidelibus praesentes literas inspecturis, visuris pariter et audituris salutem in domino sempiternam. Splendor paternae gloriae, qui sua mundum illuminat ineffabili claritate pia vota fidelium de ipsius clementissima maiestate sperantium tunc praecipue benigno favore prosequitur cum devota ipsorum humilitas sanctorum precibus et meritis adiuvatur. Cupientes igitur, ut confraternitates seu societates presbyterorum et laicorum in Bistricia et Kyralia Transilvanensis diocesis et alii quam plures personae utriusque sexus eis in hac congregatione adhaerentes sacerdotes saeculares ex eorum et aliorum Christi fidelium devotione et exemplo in divinorum officiorum celebratione [S. 281] cum omni sollemnitate saepe congregantur, ut etiam a pluribus episcopis seu ordinariis certas literas ut percepimus eisdem confratribus concessas, ita quod ipsi confratres seu personae utriusque sexus in dictis locis praenominatis sepeliri possint et valeant, ut in literis illorum episcoporum desuper confectis plenius continetur. Ac ipsa confraternitas congruis frequentetur honoribus, ut Christi fideles eo libentius devotionis causa confluant ad eandem ibidem in divinis officiis dono coelestis gratiae uberius se noverint fore refectos et a Christi fidelibus iugiter veneratur de omnipotentis dei misericordia et beatorum Petri et Pauli eius auctoritate confisi omnibus et singulis Christi fidelibus vere poenitentibus contritis et confessis. Qui quandocumque dicti confratres taliter aut in quatuor temporibus congregantur divina officia celebrantes omnibus et singulis; praesentibus et cum devotione interessentibus ac ad augmentationem et conservationem dictae congregationis qui de eorum bonis sibi adeo collatis manus porrexerint adiutrices. Nos cardinales praefati et quilibet nostrum quotienscumque ipsi Christi fideles in dictis divinis officiis convenerint, tum praedictas fraternitates conservaverint cuilibet centum dies indulgentiarum de iniunctis eis poenitentiis misericorditer in domino relaxamus, praesentibus vero perpetuis futuris temporibus duraturis. In quorum omnium et singulorum fidem et testimonium praesentes literas nostras exinde fieri iussimus et fecimus appensione communiri. Datum Romae in pallatiis nostris sub anno a nativitate domini M^o CCCC^o LXVII, die autem vero ultima mensis Martii, pontificatus sanctissimi in Christo patris et domini nostri domini Pauli divina providentia papae secundi anno tertio.

Dicht darunter vom siebenbürgischen Bischof¹⁾: Et nos Nicolaus dei et apostolicae sedis gratia episcopus Transsilvanus indulgentias praedictas a praefatis venerabilibus patribus confraternitatibus supradictis datas et eoncessas ratas habemus atque gratas nostrum eis praebentes consensum pariter et assensum auctoritate diocesis easdem approbantes simili modo quibus supra quadraginta dierum indulgentias adicientes. In quorum fidem et testimonium omnium praemissorum sigillum nostrum anulare praesentibus est appensum. Datum in castro Gyalo septima die mensis Augusti anno quo supra.

Auf der Plica: Johannes rector ecclesiae campi sancti videlisset agri dei familiari papae et cetera.


1) Das folgende fehlt bei Wenrich.^{^}