Urkunde Nr. 3529 aus Band VI
- Seite im UB:
- 282-283
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Heutige Signatur:
- Archiv der Stadt Desch [Primăria Oraşului Déj], Urkunden Nr. 44.
- Druckvorlage:
- nach Original
- Abdruck als:
- Volltext
- Sprache:
- Latein
3529
Ofen 1467 Mai 1 König Matthias trägt dem siebenbürgischen Woiwoden Johann von Skt. Georgen und Bösing auf, die Ansprüche der Stadt Desch auf einen ihr streitig gemachten Wald zu untersuchen und sie gegebenenfalls in ihren Rechten darauf zu schützen. Orig. Pap. Arh. St. Cluj-Napoca, Archiv der Stadt Dej Nr. 44. Siegel, rund, Dm. 65 mm, war in rotes Wachs, papierbedeckt, vorne aufgedrückt.
[S. 283]
Von der Kanzlei: De commissione domini regis.
Mathias dei gratia rex Hungariae, Dalmaciae, Croaciae et cetera fideli nostro magnifico Johanni comiti de Bozyn vaivodae partium Transsiluanarum regni nostri salutem et gratiam. Exponitur nobis in personis fidelium nostrorum circumspectorum iudicis et iuratorum civium ac totius communitatis civitatis nostrae Dees ad modum gravis querelae, quomodo Ladislaus de Wech et alter Ladislaus et Sigismundus de Dyznoyo et Johannes de Zenthmargitha Desewfii dicti proxime praeteritis diebus silvam ipsorum usualem ab eisdem exponentibus minus iuste occupassent et occupatam tenerent nec ipsis exponentibus eadem silva uti permitterent de praesenti in praeiudicium iurium ipsorum et damnum, supplicantes per nostram maiestatem ipsis superinde oportune provideri. Et quia nos sicuti neminem regnicolarum nostrorum sic nec praefatos exponentes ipsorum iustis iuribus per quempiam privari volumus, ideo fidelitati vestrae firmiter mandamus, quatenus receptis praesentibus ex parte praefati Ladislai Desewfii ac aliorum suprascriptorum annotatis exponentibus revisis iuribus et literalibus instrumentis ambarum partium rectum iudicium, iustitiam et omnimodam satisfactionem impendere debeatis, prout dictabit ordo iuris. Et si praefatam silvam usualem ad ius eorundem exponentium pertinere agnoveritis, extunc ipsos in dominio eiusdem silvae contra quoslibet illegitimos impetitores protegere et conservare debeatis, auctoritate nostra praesentibus vobis in hac parte attributa et iustitia mediantibus. Secus non facturi. Praesentibus perlectis exhibenti restitutis. Datum Budae in festo beatorum Philippi et Jacobi apostolorum, anno domini millesimo quadringentesimo sexagesimo septimo, regni nostri anno decimo, coronationis vero quarto.