Urkunde Nr. 3534 aus Band VI

Seite im UB:

285-286

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 263.

Druckvorlage:

nach Original

Abdruck als:

Volltext

Sprache:

Latein

---

3534

Ofen 1467 Mai 30 König Matthias verbietet dem Verwalter der königlichen Zolleinnahmen Johannes Ernst, von den Sachsen der Sieben und Zwei Stühle und von Stadt und Distrikt Kronstadt und Bistritz beim Kauf und Verkauf von Waren die an Stelle des Dreissigsten eingeführte Abgabe einzuheben, ausgenommen ausländische Güter.

[S. 286]Von der Kanzlei: Commissio domini regis.

Mathias dei gratia rex Hungariae, Dalmaciae, Croaciae et cetera fidelibus nostris egregio Johanni Erensth administratori vectigalis sacrae coronae regni nostri vestroque vicesgerentibus nec non cunctis aliis officialibus et exactoribus eiusdem vectigalis in partibus Transsilvanis pro tempore constitutis salutem et gratiam. Exponitur nobis in personis fidelium nostrorum universorum Saxonum septem et duarum sedium Saxonicalium nec non communitatum et incolarum civitatum nostrarum Cibiniensis, Brassoviensis et Bistriciensis ac districtuum earundem gravi cum querela, quod quamvis antiqua eorum libertate requirente nulli incolarum partium illarum Transsilvanarum in eisdem partibus res ementes et hincinde per easdem partes conducentes de eisdem rebus eorum vel sexagesimam vel tricesimam loco cuius nunc alia quaedam exactio vectigal coronae futuris perpetuis temporibus appellanda instituta esset, solvere obligati fuerint, nisi illi qui de partibus Moldaviae vel Transalpinarum aut de hoc regno nostro sive aliis quibuscumque exteris partibus res ad ipsas partes Transsiluanas conducentes ad huiusmodi sexagesimam vel tricesimam de talibus rebus persolvendam debuerint. Idque etiam nunc in novo generali decreto nostro sit similiter ordinatum. Tamen nunc vos eosdem Saxones nostros et incolas dictarum civitatum nostrarum et partium praedictarum ad solvendum huismodi vectigal loco tricesimae institutum etiam de illis rebus quas in illis partibus Transsiluanis emerent et venderent et per fora hincinde deferrent iniuste cogeritis et compelleretis in grande praeiudicium libertatis ipsorum atque dampnum. Unde nos praefatos Saxones nostros et incolas dictarum partium in eorum libertatibus confirmare volentes, mandamus fidelitati vestrae praesentibus strictissime, quatenus deinceps huiusmodi vectigal ab illis rebus, quae vel per fora in illis partibus hincinde conducuntur vel quae ibidem emuntur et venduntur, exigere non praesumatis sed solummodo a talibus rebus ipsum vectigal semel dumtaxat exigatis, quae de partibus extraneis ad illas vel de illis ad extraneas conducuntur partes, modum et ordinem in novo generali decreto superinde edito in nullo excedentes. Praesentibus perlectis exhibenti restitutis. Datum Budae tertio die festi sacratissimi corporis Christi, anno eiusdem millesimo quadringentesimo sexagesimo septimo, regni nostri anno decimo, coronationis vero quarto.