Urkunde Nr. 3539 aus Band VI

Seite im UB:

289

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 266.

Druckvorlage:

nach Original

Abdruck als:

Volltext

Sprache:

Latein

---

3539

Ofen 1467 Juli 14 Stephan Gereb de Vingard bezeugt, dass die Sachsen der Sieben und Zwei Stühle sowie der Distrikte von Bistritz und Kronstadt hundert Goldgulden, für die er Bürgschaft geleistet, zurückgezahlt haben.

Nos Stephanus Gereb de Wyngarth memoriae commendamus per praesentes, quod prudentes et circumspecti viri universi Saxones septem et duarum sedium Saxonicalium necnon districtuum Bistriciensis et Brassoviensis illos centum florenos auri pro quibus nos reverendo in Christo patri domini Johanni episcopo ecclesiae Quinqueecclesiensis secretario, camerario domini nostri regis, in redemtionibus quarundam literarum fideiussoriarum exstiteramus per hominem eorum puta Johannem Sythway dictum civem civitatis Cibiniensis in festo beatae Margarethae virginis et martiris proxime praeteriti¹⁾ huc ad Budam videlicet domum nostram transmiserunt et eosdem plenarie nobis assignare fecerunt. Ideo nos ipsos Saxones nostri domini regis super huiusmodi centum florenorum auri assignatione quittos et expeditos reddidimus et omnibus modis absolutos commisimus, immo reddimus et committimus praesentium literarum nostrarum vigore et testimonio mediantibus. Datum Budae feria tertia proxima post dictum festum beatae Margarethae virginis et martiris, anno domini millesimo quadringentesimo sexagesimo septimo.


1) Juli 13.^{^}