Urkunde Nr. 3545 aus Band VI
- Seite im UB:
- 295-296
- Heute in:
- Budapest, Ungarisches Landesarchiv [Magyar Országos Levéltár]
- Heutige Signatur:
- DL (Diplomatikai Léveltár) Nr. 24 744.
- Druckvorlage:
- nach Abschrift
- Abdruck als:
- Volltext
- Sprache:
- Latein
3545
Kecskemét 1467 August 23 König Matthias warnt die Bürger der Stadt Hermannstadt vor einem Zusammengehen mit den Verrätern. Abschrift um 1600 auf der 1. Versoseite der auf einem Doppelbogen geschriebenen Orig. Urkunde des polnischen Königs Sigismund aus 1591 an Fürst Sigismund Bathori, Ungar. Landesarchiv Budapest Dl. 24 744.
Mathias dei gratia rex Hungariae, Dalmaciae, Croaciae et cetera fidelibus nostris universis et singulis civibus ac toti communitati civitatis nostrae Cibiniensis salutem et gratiam. Constat nobis ipsam civitatem inter alias praecipuam ad nos sacram nostram coronam pertinere omniaque iura, ordinationes, dispositiones et privilegia a nobis et nostris praedecessoribus necnon sacra nostra corona habuisse et tenere et ob praemissa ipsam civitatem in omni casu et adversitate regni fidelissimam nobis et sacrae coronae nostrae permansisse. Cum autem nunc intelligamus quosdam proditores et malivolos homines in illis partibus Transsilvanis insurrexisse, qui eo non contenti ut per proditores sint exquisito colore et multis mendaciis ac figmentis adinventis conantur etiam vos et alios fideles subditos nostros contra ius phasque a vera fidelitate nostra et sacrae coronae avertere, quae res in perpetuam et indelebilem civitatis illius ignominiam cedet. Statuimus itaque vos literis nostris admonere, ut beneficiorum regalium necnon veterum morum vestrorum ac praecessorum vestrorum memores, agatis ea quae vestro debito conveniunt et honori. Requirentes diligentius, quatenus ipsis proditoribus nostris sive sint aliqui e medio vestri sive forenses asistere non velitis, quin potius toto posse vestro eisdem resistatis, sicuti fideles subditos decet, et tales subditos, qui omnia bona et iura a legibus et sacra corona acceperunt. Nos etiam recta illa tendimus, vobis in auxilium ad exquirendum proditores et fideles [S. 296] remunerandos, scientes et a certo tenentes, quod omnes fidelitates nostras nobis et sacrae nostrae adhibendas volumus favore nostro regio compensare. Datum in Kechkemeth in vigilia festi beati Bartholomei apostoli, anno domini millesimo quadringentesimo sexagesimo septimo, regni nostri anno decimo, coronationis vero quarto.