Urkunde Nr. 3558 aus Band VI

Seite im UB:

303-304

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 260.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3558

Hermannstadt 1467 Oktober 28 König Matthias spricht die Güter des zum Tode verurteilten Peter Gräf von Rothberg, ausser den bereits vergabten und der schon an Johann Ernsth vergebenen Besitzung Cornăţel, dessen Witwe Clara und ihrem Sohn Johann zu.

Nos Mathias dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod nos de benignitate nostra regia qua deliquentibus veniam, elapsis sublevamen solemus impertiti, iurisque rigorem interdum lenitate misericordiae consuevimus temperare, universis possessionibus portionibusque et iuribus possessionariis, nec non domibus in civitate nostra Cibiniensi fundatis, nec non vineis et piscinis in territorio eiusdem civitatis nostrae et alias ubilibet in partibus regni nostri Transsiluanarum existentibus, cunctisque aliis rebus et bonis condam Petri Gereb de Weresmarth, ubilibet in quibusvis comitatibus partium praedictarum habitis, quae per notam infidelitatis eiusdem condam Petri quam ipse ex eo novissime incurrerat, quod postposita fidelitate qua nobis et sacrae coronae dicti regni nostri tenebatur, infidelibus nostris incolis scilicet partium Transsiluanarum praedictarum ac magnifico Johanni Groff, tunc honore vaivodatus fungenti, contra nos exercitualiter insurgentibus periurantibus et simul cum dicta civitate nostra Cibiniensi et nonnullis aliis, quos malo svasui ad se traxerat, adherentibus nobis quantum in eo fuit contumaciter rebellavit, quem iuxta demerita sua finaliter poena capitis plecti fecimus, ad nostram maiestatem consequenterque sacram coronam huius regni rite et legitime devoluta sunt, exceptis illis rebus et bonis, quae nos in hac civitate nostra vel alias ubicumque per fidelem nostrum egregium Johannem Erwsth vel alium ex mandato nostro propter demerita praetacti condam Petri levare et auferri fecimus et dempta simili modo possessione Horthobag vocata, per nos fideli nostro egregio Johanni Erwsth¹⁾ collata, gratiam et misericordiam duximus faciendam specia-[S. 304]les ac de manibus nostris regiis nobili dominae Clarae vocatae relictae ac Johanni filio condam Petri duximus remittenda et relaxanda, immo remittimus praesentium per vigorem. Quocirca vobis fidelibus nostris magnificis palatino et iudici curiae nostrae vestrasque in iudicatu vicesgerentibus nec non vaivodis vel vicevaivodis nostris Transsiluanis cunctisque aliis regnicolis nostris et quibusvis iudicibus ecclesiasticis videlicet et saecularibus et futuris praesentium notitiam habituris harum serie firmissime mandamus, quatenus praefatam dominam et Johannem filium eiusdem heredesque eorum in praescriptis bonis et iuribus posessionariis deinceps ad quorumcumque instantiam contra formam praemissae nostrae gratiae intra et extra iudicium praevia ratione impedire quovismodo non praesumatis et nec sitis ausi modo aliquali, gratiae nostrae sub obtentu. Praesentibus perlectis exhibenti restitutis. Datum Cibinii in festo beatorum Symonis et Iudae apostolorum, anno domini millesimo quadringentesimo sexagesimo septimo, regni nostri anno decimo, coronationis vero quarto.


1) So Vorlage.^{^}