Urkunde Nr. 3571 aus Band VI

Seite im UB:

311

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 87.

Druckvorlage:

nach Abschrift

Abdruck als:

Volltext

Sprache:

Latein

---

3571

Bistritz 1467 November 21 Der Rat von Bistritz bezeugt, dass der Stadtrichter Thomas Hauser an den Pfarrer Elyas von Frauenbach/Baia Mare eine Mühle in der platea cerdonum in Bistritz verkauft hat.

Nos Gregorius Uyban, Demetrius Kurschner, Petrus Turck, Johannes Lochner, Georgius Eyben, Andreas Rothler, Demetrius Buzinger, Stephanus Masch, Petrus Heyfart, Leonardus Bauman nec non Michael Schmid iurati cives civitatis Bistriciensis memoriae commendamus tenore praesentium significantes quibus incumbit universis, quod nostri pervenit in praesentiam circumspectus Thomas Hauser dictus index noster una cum honesta Anna vocata consorta sua legitime dixerunt ac oracula vivae vocis fassi sunt in hunc modum. Quomodo ipsi quoddam molendinum intra civitatem Bistriciensem in platea cerdonum versus plagam orientalem sitam et habitam in fluvio Bistricia vocato decurrente simulcum universis suis utilitatibus, emolumentis et pertinentibus venerabili ac egregio viro domino Elye vocato decretorum doctori ac ecclesiae parohialis civitatis Rivulodominarum plebano pro quadringentis florenis auri Vngaricalis plene et totaliter ab eodem domino Elio plebano habitis et receptis dedissent et vendidissent ac coram nobis pari voluntate dederunt ac vendiderunt irrevocabiliter per memoratum dominum Eliam plebanum iure perpetuo possidendo, tenendo pariter et habendo nullius contradictione apparente. Ita tamen quod rector ecclesiae Hospitalensis in civitate praedicta Bistriciensi pro tempore constitutus unam quartam praedicti molendini tam in fundo quam aedificiis simul cum singulis utilitatibus et pertinentibus suis quemadodum hactenus habuit, tenuit et possedit, sic nunc et imposterum futuris successivis temporibus tenere, habere debeat et suo dominio possideat impedimento absque ullo. In cuius rei testimonium firmitatemque perpetuum praesentes nostras literas sigillo civitatis maiori subappenso consignari fecimus in fidem et testimonium omnium praemissorum. Datum Bystriciae sabbato proximo post festum sanctae Elizabet, anno domini millesimo quadringentesimo sexagesimo septimo. [S. 312]