Urkunde Nr. 3573 aus Band VI

Seite im UB:

312-313

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 36 393, 40 Nr. 4.

Druckvorlage:

nach Abschrift

Abdruck als:

Volltext

Sprache:

Latein

---

3573

1467 Dezember 9 Der Konvent von Kolozsmonostor beglaubigt die Urkunde König Matthias von 1467 Nr. »3560 und bezeugt, dass die Einführung des Johann Ernst in den Besitz von Ortschaften, bzw. in Besitzanteile daran, in der Weissenburger, Kokelburger und Thorenburger Gespanschaft einschliesslich eines Hauses in Salzburg am 25. November und den darauffolgenden Tagen stattgefunden hat, dass aber die Schässburger Dominikaner bezüglich Weisskirch Einsprache erhoben haben.

Conventus monasterii beatae Mariae virginis de Colomonostra omnibus Christi fidelibus praesentibus quam futuris praesentium notitiam habituris salutem in omnium salvatore. Ad universorum notitiam harum serie volumus pervenire, quod nos literas serenissimi principis et domini Mathiae dei gratia regis Hungariae, Dalmaciae, Croaciae et cetera domini videlicet nostri metuendissimi introductorias pariter et statutorias nobis preceptorie loquentes summo cum tenore recepimus in haec verba. (Folgt die Urkunde König Matthias von 1467 Nr. »3560). Nos itaqua mandatis ipsius domini nostri regis obedire cupientes ut tenemur unacum memorato Paulo de Hewesfalwa homine suae serenitatis unum ex nobis videlicet religiosum virum fratrem Nicolaum sacerdotem socium nostrum conventualem ad praemissas introductionem et statutionem faciendas nostro pro testimonio transmisimus fidedignum. Qui tandem exinde ad nos reversi nobis uniformiter retulerunt, quod ipsi in festo beatae Katherinae virginis et martyris novissime praeterito¹⁾ consequenterque aliis diebus ad id aptis et sufficientibus ad facies praescriptarum possessionum Farkasthelke, Saldorff, Salgo et Ffyereghaz vocatarum ac portionum possessionariarum in possessionibus Hydegwyz, Mihalfalwa, Wezzed, Wyfalw, Bolya, Rakowycza et Horthowag necnon dicti praedii Indagal²⁾ in Albensi, item possessionis Jewedych ac portionum possessionariarum in possessionibus Monyoros, Bwn et Hethwr nuncupatis in de Kykellew nec non pos-[S. 313] sessionum Mykes et Zelesthye apellatarum in de Thorda comitatibus praedictis existentium et habitarum ac praetactae domus in dicto oppido Wyzakna constructae vicinis et commetaneis earundem puta venerabili ac religiosis viris fratribus Georgio priore ac Wdalrico et Cristanno ordinis praedicatorum de claustro beatae Mariae virginis in civitate Segeswariensi fundato in ipsorum ac totius conventus dicti claustri personis item Johanne filio Pauli de Feleky, altero Johanne filio Salomonis de Heesfalwa, Jacobo filio Michaelis de eadem, Andrea filio Valentini de Sard, officiali Ladislai Ewsy de Hydegkwth, altero Andrea de Sarpathak, Johanne filio Petri de Somogyon, Michaele de³⁾ Balasthelke ac honorabili Dominico plebano de dicto Wyzakna, item providis et circumspectis viris Nicolao iudice et Johanne Rasore cive civitatis Segeswariensis⁴⁾ praedictae in personis universorum hospitum et incolarum eiusdem civitatis, item Georgio officiali Georgii de Haranglab ac Anthonio similiter officiali Johannis Salfy de Salfalwa, Johanne Fylthews et Andrea Juga iobagionibus generosae dominae Clarae, egregii Pongracz de Dengelegh aliisque quam pluribus nobilibus videlicet et ignobilibus inibi legitime convocatis et praesentibus accedentes praefatos Johannem Ernisth ac Sigismundum et Johannem filios eiusdem in dominium earundem introduxissent easdemque eisdem cum cunctis ipsarum utilitatibus et pertinentiis quibuslibet, demptis solum modo directa et aequali medietate dictae possessionis Fyereghaz ac similiter medietate molendini ibidem super fluvio Kykellew existentis necnon tertia parte cuiusdam prati seu fenilis intra metas eiusdem possessionis Fyereghaz habiti in quibus annotatus Georgius prior ac dicti fratres praenoatum claustrum ipsorum ius testamentarium habere allegassent praemissae regiae donationis titulo statuissent perpetuo possidendas nullo penitus exceptis ipsis priore et fratribus contradictore apparente legitimis et sufficientibus diebus in faciebus earundem permanentibus. In cuius rei memoriam firmitatemque perpetuam praesentes literas nostras privilegiales pendentis et autentici sigilii nostri munimine roboratas duximus concedendas. Datum quinto decimo die diei introductionis et statutionis praenotatarum, anno domini supradicto.

Auf der Rückseite von einer andern gleichzeitigen Hand: Statutoria Johannis Ernisth super possessionibus Fyereghaz et cetera.


1) November 25.^{^}
2) Hierauf durchgestrichen item poss.^{^}
3) Fehlt.^{^}
4) Vorlage Segeswa.^{^}