Urkunde Nr. 3579 aus Band VI

Seite im UB:

316

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 88.

Druckvorlage:

nach Original

Abdruck als:

Volltext

Sprache:

Latein

---

3579

Kronstadt 1468 Januar 3 König Matthias verbietet den königlichen Rinderhirten, ihr Vieh im Weichbild von Bistritz bzw. im Distrikt zu überwintern.

Von der Kanzlei: Propria commissio domini regis.

Mathias dei gratia rex Hungariae, Dalmaciae, Croaciae et cetera fidelibus nostris Ladislao et Clementi literatis conductoribus bovum nostrorum salutem et gratiam. Exponitur nobis in personis fidelium nostrorum circumspectorum civium et inhabitatorum civitatis nostrae Bistriciensis, quomodo vos nonnullos boves nostros, qui a Siculis¹⁾ collecti sunt in medium eorum et ad pertinentias eiusdem civitatis nostrae imponere velitis eo modo²⁾, ut ipsi huiusmodi boves nostros per totam istam hiemem nutrirent, in ipsorum gravamen non modicum. Et quia praefati exponentes etiam alias per nos valde onerati sunt, propterea nolumus ipsos cum ipsis bobus³⁾ gravari permittere, fidelitati vestrae harum serie mandamus, quatenus receptis praesentibus, si praescriptos boves nostros in medium annotatorum civium et inhabitatorum praedictae civitatis nostrae Bistriciensis et pertinentiarum suarum nondum imposuissetis extunc imponere non debeatis. Ubi vero iam ad vos imposuissetis, extunc volumus, ut ab eisdem removeatis, quoniam ut praescripsimus, nolumus eos cum eisdem bobus gravari. Aliud non facturi. Praesentibus perlectis exhibenti restitutis. Datum Brassoviae die dominico proximo post festum circumcisionis domini, anno eiusdem millesimo quadringentesimo sexagesimo octavo, regni⁴⁾ nostri anno decimo, coronationis vero quarto.

Von der Kanzlei: Lecta.


1) lis auf Rasur.^{^}
2) Darunter Buchstaben getilgt.^{^}
3) bus auf Rasur. ^{^}
4) Verbessert.^{^}