Urkunde Nr. 3580 aus Band VI

Seite im UB:

316-317 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 90.

Druckvorlage:

nach Original

Abdruck als:

Volltext

Sprache:

Latein

---

3580

Kronstadt 1468 Januar 3 König Matthias verlängert der Stadt Bistritz den Ablieferungstermin für den Martinszins. [S. 317]

Von der Kanzlei: Propria commissioni domini regis.

Mathias dei gratia [rex Hungariae] ¹⁾, Dalmaciae, Croaciae et cetera fidelibus nostris collectoribus censuum seu taxarum in partibus regni [ ] ²⁾ constitutis salutem et gratiam. Quia nos tum ad supplicationem fidelium nostrorum circumspectorum Ladis[lai K] ³⁾orlath, Georgii Thymar, Martini Biro, Johannis Zabo, Laurencii Panczel civium civitatis Bistriciensis per eos in ipsorum ac totius communitatis eiusdem civitatis nostrae nobis porrectam tum vero aliis bonis de causis solutionem illius census seu taxae, quae in medio ipsorum more alias consueto circa festum beati Martini episcopi et confessoris proxime praeteritum⁴⁾ fieri debebat ad festum beati Georgii martiris proxime venturum⁵⁾ duximus prorogandum, immo prorogamus per praesentes. Igitur fidelitati vestrae harum serie firmiter mandamus, quatenus receptis praesentibus taxam seu census praefatos a iudice et civibus saepefatae civitatis nostrae Bistriciensis petere vel ipsos aut aliquem ex ipsis propter non solutionem eiusdem infra praedictum festum beati Georgii martiris⁵⁾ impedire, turbare aut damnificare contra formam praesentium literarum nostrarum ullatenus praesumatis necque sitis ausi modo aliquali. Praesentibus perlectis⁶⁾ exhibenti restitutis. Datum Brassoviae die dominico proximo post festum circumcisionis domini, anno eiusdem millesimo quadringentesimo sexagesimo octavo, regni nostri anno decimo, coronationis vero quarto.


a) Seitenumbruch nach Kopfregest.^{^}

1) Lücke 32 mm.^{^}
2) Lücke 20 mm.^{^}
3) Lücke 10 mm.^{^}
4) November 11.^{^}
5) April 23. [2x]^{^}
6) Über der Zeile.^{^}