Urkunde Nr. 3582 aus Band VI

Seite im UB:

318

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Abt. I. ba (Stenner, Series latina), Nr. 136.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3582

Kronstadt 1468 Januar 4 König Matthias befiehlt den siebenbürgischen Woiwoden und Szeklergrafen, die Bewohner von Kronstadt und Rothbach in Hinsicht auf die Altgrenze gegen die Adligen und Szekler vom rechten Altufer zu schützen.

Mathias dei gratia rex Hungariae, Dalmaciae, Croaciae et cetera fidelibus nostris magnificis Joanni Pongracz de Dengeleg ac Nicolao Chapor waywodis nostris Transsiluanis ac comitibus Siculorum nostrorum eorumque vices gerentibus, pro tempore constitutis, salutem et gratiam. Intelleximus qualiter¹⁾ inter cives civitatis nostrae Brassouiensis ac populis nostris de Weresmarth nec non certos nobiles et Siculos ex altera parte fluvii Olthwyze commorantes, ratione metarum saepius differentiae et controversiae orirentur, nam praefati cives et populi nostri allegant ab antiquo hanc habuisse consuetudinem, quod ex quo metae ipsorum a metis dictorum nobilium et Siculorum per ipsum fluvium inmediate ob invicem sequestrantur in quacumque parte sive ad tenutas dictorum civium et populorum nostrorum sive ad pertinentias praefatorum nobilium et Siculorum ipsum flumen extra alveum et prope cursum suum quandocumque declinare vel defluere contigat ipse fluvius pro metis utrarumque partium teneatur et habeatur. Et quicquid de tenutis dictorum nobilium et Siculorum ex ista parte fluvii secludetur vel segregaretur, id totum ipsi cives et populi nostri tanquam ius proprium tenere et conservare habuissent facultatem. E converso autem similiter dicti nobiles et Siculi licet semper hactenus eadem consuetudine usi fuissent et gavisi. Tamen nunc Valentinus Nemes et certi alii nobiles quandam insulam de tenutis eorundem per ipsum fluvium in partem scilicet dictorum civium et populorum nostrorum excusam et segregatam eisdem civibus et populis nostris colere et uti non permitterent, sed ab eisdem minus iuste et indebite usurpassent et violenter tenerent in grande praeiudicium dictorum civium et populorum nostrorum atque dampnum. Unde nos volentes praefatos cives et populis nostris in iuribus et antiqua eorum consuetudine illibate conservare, ideo fidelitati vestrae harum serie firmissime committimus et mandamus, quatenus receptis praesentibus rebusque modo praemisso se habentibus, praefatos cives et populos nostros secundum antiquam eorum consuetudinem ininiuribus ipsorum conservare ac in dominio praetactae insulae protegere et tuere debeatis, auctoritate nostra vobis praesentibus in hac parte attributa et iustitia mediante. Secus non facturi. Praesentibus perlectis exhibenti restitutis. Datum Brassowiae feria secunda proxima post festum circumcisionis domini, anno eiusdem millesimo quadringentesimo sexagesimo octavo, regni nostri anno decimo, coronationis vero quarto.


1) Vorlage nochmals qualiter. ^{^}