Urkunde Nr. 3583 aus Band VI

Seite im UB:

318-319

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

3583

Kronstadt 1468 Januar 4 König Matthias bekräftigt die Freiheiten der Bistritzer und verbietet allen Amtsträgern, diese anzutasten.

[S. 319]Von der Kanzlei: Propria commissio domini regis.

Nos Mathias dei gratia rex Hungariae, Dalmaciae, Croaciae et cetera¹⁾ memoriae commendamus tenore praesentium significantes quibus expedit universis, quod fideles nostri circumspecti Ladislaus Korlath, Georgius Thymar, Martinus Byro, Johannes Zabo et Laurencius Panczel dicti, cives civitatis nostrae Bistriciensis in ipsorum ac ceterorum civium et communitatis ipsius civitatis nostrae nostram venientes in praesentiam nobis significare curarunt in hunc modum, quomodo ipsi in eorum libertatibus et consuetudinibus antiquis, quibus ipsi temporibus divorum regum Hungariae nostrorum videlicet praedecessorum ac condam domini genitoris nostri usi fuerunt saepe impedirentur et turbarentur, et supplicarunt nobis praefati Ladislaus Korlath, Georgius Thymar, Martinus Byro, Johannes Zabo et Laurencius Panczel in ipsorum ac aliorum quorum supra nominibus, ut nos eosdem in supradictis ipsorum libertatibus et consuetudinibus antiquis, praesertim vero in illis super quibus per felicem coronationem nostram a nobis pro se literas habent confectas tenere per omnes officiales et subditos nostros conservari facere dignaremur. Et quia iusta petentibus non est denegandus assensus, igitur nos tum supplicationibus praefatis nostrae modo quo supra porrectis maiestati inclinati, tum vero ut ipsi cives et communitas saepefatae civitatis nostrae Bistriciensis sicuti numero ita etiam fidelitate augeantur et ad exhibenda nobis fidelia servitia promptiores reddantur, annuimus et concessimus eisdem, ut ipsi et eorum heredes atque posteri in omnibus libertatibus et consuetudinibus antiquis, in quibus ipsi temporibus divorum regum Hungariae nostrorum videlicet praedecessorum ac condam domini genitoris nostri usi fuerunt et gavisi, specialiter vero in illis, super quibus post felicem coronationem nostram a nobis pro se literas habent confectas absque contradictione quorumpiam officialium seu hominum nostrorum futuris semper temporibus successivis uti²⁾ , frui et gaudere possint atque valeant, immo annuimus et concedimus praesentium per vigorem. Quo circa vobis fidelibus nostris magnificis vaivodis nostris Transsilvanensibus et comitibus Siculorum nostrorum ipsorumque vices gerentibus, item cunctis officialibus et negotiorum nostrorum directoribus in partibus regni nostri Transsilvanis constituent ibus, praesentibus et futuris, praesentium notitiam habituris, harum serie firmiter mandamus, quatenus a modo deinceps saepefatos cives et communitatem antefatae civitatis nostrae Bistriciensis aut aliquem ex ipsis contra praemissas eorum libertates impedire et turbare aut quovis quaesito colore molestare non audeatis, quin potius ipsos in eisdem libertatibus illaese conservetis³⁾ et faciatis per omnes subditos vestros conservare, praesentesque quas appensione sigilii nostri secreti communiri fecimus post earum lecturam semper reddi mandamus praesentanti. Datum Brassouiae feria secunda proxima post festum circumcisionis domini, anno eiusdem millesimo quadringentesimo sexagesimo octavo, regni anno decimo, coronationis vero quarto.

Auf der Rückseite von gleichzeitiger Hand: Confirmatio omnium libertatum post reditum regis de Moldavia.


1) Bis hierher verlängerte Schrift.^{^}
2) Vorlage usi. ^{^}
3) Vorlage consuetis.^{^}