Urkunde Nr. 3585 aus Band VI

Seite im UB:

320-321

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden Nr. 47.

Druckvorlage:

nach Original

Abdruck als:

Volltext

Sprache:

Latein

---

3585

Klausenburg 1468 Januar 12 König Matthias beauftragt den Konvent von Kolozsmonostor, die Bewohner von Desch in den Besitz von Floreşti und Şomcutu Mic einzuführen.

Mathias dei gratia rex Hungariae, Dalmaciae, Croaciae et cetera fidelibus nostris conventui ecclesiae beatae Mariae virginis de Kolosmonostra salutem et gratiam. Dicitur nobis in personis fidelium nostrorum universorum civium, [S. 321] hospitum et inhabitatorum oppidi nostri Dees, quomodo ipsi in dominium quarundam possessionum Berke et Somkwth vocatarum, necnon tributi in eadem Somkwth exigi soliti ac vadi in fluvio Zamus vocato in oppido Dees praedicto decurrente constituti, omnino in¹⁾ comitatu¹⁾ Zolnok¹⁾ interiori habitorum, ipsos omnis iuris titulo concernentium legitime vellent introire. Super quo fidelitati vestrae firmiter committimus et mandamus, quatenus visis praesentibus vestrum mittatis hominem pro testimonio fidedignum, quo praesente Johannes Thobol de Kolos aut Anthonius de Kend vel Andreas Porkolab de Bylgcz seu Valentinus Thewke dictus de Thewk seu Johannes filius Petri de Kodor sive Ladislaus filius Nicolai de eadem Kodor aliis absentibus, homo noster ad facies praedictarum possessionum Berke et Somkwth ac tributi necnon vadivicinis et commetaneis earundem universis inibi legitime convocatis et praesentibus accedendo introducat memoratos cives, hospites et inhabitatores dicti oppidi nostri Dees in dominium earundem statuatque easdem eisdem cum omnibus earundem utilitatibus praemisso iure ipsis²⁾ incumbente²⁾<fnz>possidendum, si non fuerit contradictum. Contradictores vero si qui fuerint, evocet ipsos contra memoratos cives et hospites nostros ad terminum competentem nostram personalem in praesentiam, ratione contradictionis eorum reddituros. Et post haehuiusmodi introductionis el statutionis seriem cum contradictorum et evocatorum, si qui fuerint, vicinorumque et commetaneorum, qui praemissae statutioni intererunt, nominibus terminoque assignato eidem nostrae personali praesentiae fideliter rescribatis. Datum in Klwswar feria tertia proxima ante festum beati Anthonii confessoris, anno domini millesimo quadringentesimo sexagesimo octavo, regni nostri anno decimo, coronationis vero quarto.

Auf der Rückseite Adresse: Fidelibus nostris conventui ecclesiae beatae Mariae virginis de Kolosmonostra pro universis civibus, hospitibus et inhabitatobus opidi nostri Dees.

Introductoriae et statutoriae.

Von anderer Kanzleihand darunter: Lecta.

<fnzt>1) Auf Rasur. [3x]</fnzt> <fnzt>2) Über der Zeile. Darunter gestrichen perpetuo. [2x]</fnzt>