Urkunde Nr. 3588 aus Band VI

Seite im UB:

322-323

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. P 34.

Druckvorlage:

nach Original

Abdruck als:

Volltext

Sprache:

Latein

---

3588

Klausenburg 1468 Januar 19 König Matthias bestätigt den Bewohnern von Klausenburg ihre Rechte und Freiheiten.

Von der Kanzlei: Propria commissio domini regis.

Nos Mathias dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod cum nos universis civibus, hospitibus et incolis civitatis nostrae Coloswar super illis excessibus eorum, in quibus ipsi eotunc cum scilicet nobiles et incolae partium Transsiluanarum regni nostri contra nostram maiestatem insurgendo notabiliter delinquissent gratiam fecissemus, supplicarunt nostro culmini humiliter, ut eosdem non obstantibus praemissis excessibus ipsorum in omnibus antiquis iuribus, consuetudinibus, libertatibus, gratiis, privilegiis et libertatum praerogativis¹⁾ per divos reges Hungariae praedecessores scilicet nostros et etiam per nos ipsis concessis, quibus ipsi hactenus usi fuissent, de clementia nostra regia deinceps perpetuis temporibus uti gaudere et perfrui concedere dignaremur. Nos igitur qui de benignitate nostra regiaque delinquentibus solemus veniam impertiri eisdem civibus nostris ac rebus bonis et omnibus iuribus eorum possessionariis gratiam facientes, eosdem cives, incolas et universos inhabitatores dictae civitatis nostrae Coloswar, non obstante praemissa nota, omnibus illis libertatibus, gratiis, praerogativis, privilegiis et antiquis consuetudinibus ac iuribus universis, quibus usque modo ex concessione nostra et praefatorum praedecessorum nostrorum regum Hungariae annuentia usi fuerunt, a modo deinceps perpetue uti, frui et gaudere indulgemus et concedimus harum nostrarum vigore et testimonio literarum mediante. [S. 323] Datum in Coloswar feria tertia proxima post festum beati Anthonii confessoris, anno domini millesimo quadringentesimo sexagesimo octavo, regni nostri anno decimo, coronationis vero quarto.


1) Hierauf gestrichen ipsis. ^{^}