Urkunde Nr. 401 aus Band I
- Seite im UB:
- 371-372
- Heute in:
- Budapest, Ungarisches Landesarchiv [Magyar Országos Levéltár]
- Heutige Signatur:
- DL (Diplomatikai Léveltár) Nr. 2142.
- Druckvorlage:
- nach Original
- Abdruck als:
- Volltext
- Sprache:
- Latein
401
1323 Februar 1 Das Weissenburger Kapitel bezeugt, dass Ladislaus von Salzburg seinen Antheil an der Besitzung Ringelkirch seinem Bruder Alardus verkauft hat. Orig. Perg. Ungar. Landesarchiv Budapest. Siegel, weisses Wachs, an weisser Hanfschnur angehängt, derselbe Stempel wie Nr.
»216.
Druck: Nagy, Cod. Andegavensis (
») II, 62.
Rumänische Übersetzung: Documente privind ist. Rom. (
») C, veacul XIV, vol. II, 65. +
Regest: Kemény, Notitia (
») I, 96. +
Fejér, Codex (
») VIII, 6, 68.
Magyar családtörténeti szemle (
») VIII, 1942, 246. +
Anjou-kori oklevéltár (
») VII, Nr. 26. +
Jakó, Codex dipl. Trans. (
») II, 174 Nr. 448. +
Capitulum ecclesiae Transsiluanae omnibus Christi fidelibus praesentem paginam inspecturis salutem in omnium salvatore. Ad universorum notitiam tam praesentium quam futurorum harum serie volumus pervenire, quod constitutis coram nobis Ladizlao filio quondam comitis Alardi de Vizakna ab una parte et Alardo comite fratre suo de eadem ex altera, idem Ladizlaus confessus est oraculo vivae vocis, portionem suam in terra seu villa Ryngenkerg vocata in decanatu de Spreng existente eundem Ladizlaum iure heredi- [S. 372] tario contingentem cum omnibus utilitatibus suis, terris arabilibus, fenetis, silvis, nemoribus, aquis et aliis ad portionem suam pertinentibus, prout idem tenuit et possedit, de consensu et assensu Mychaelis et Nicolai fratrum suorum vendidisse et tradidisse, et coram nobis vendidit et tradidit praedicto comiti Alardo fratri suo et per eum suis heredibus heredumque suorum successoribus pro decem marcis fini argenti iure perpetuo et irrevocabiliter possidendam, tenendam pacifice et habendam, quas decem marcas ipse Ladizlaus confessus est plenarie se recepisse a comite Alardo fratre suo supra dicto; obligans se insuper idem Ladizlaus ab omnibus processu temporum ratione dictae particulae terrae Ryngenkerg per eum ipsi comiti Alardo venditae eundem comitem Alardum fratrem suum vel heredes suos impetere, inquietare vel impedire volentibus per omnia expedire propriis laboribus et expensis et in pacifica possessione dictae terrae indefesse conservare. In cuius rei testimonium perpetuamque firmitatem ad instantiam et petitionem partium praedictarum literas nostras praesentes concessimus sigilli nostri munimine roboratas. Datum in vigilia purificationis beatae virginis, anno domini M
o CCC
o vicesimo tertio. Nicolao praeposito, Santo cantore, Thoma custode, Dominico archidiacono de Doboka decano ecclesiae nostrae existentibus.