Urkunde Nr. 3596 aus Band VI

Seite im UB:

327-328

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 272.

Druckvorlage:

nach Original

Abdruck als:

Volltext

Sprache:

Latein

---

3596

Kleinlasseln 1468 Februar 20 Der siebenbürgische Woiwode Johannes Pongracz trägt seinem Beauftragten für Fogarasch und Hamlesch auf, die einigen Hermannstädtern beschlagnahmten zwei Fass Wein und zehn Pferde zurückzustellen.

Johannes Pongracz de Dengeleg vaivoda Transsilvanus et comes Siculorum et cetera. Nobilis nobis sincere dilecte. Exponitur nobis in personis magistri civium, iudicis iuratorumque civium civitatis Cibiniensis, quomodo vos a qui-[S. 328] busdam concivibus ipsorum duo vasa cum decem equis ipsum currum trahentibus minus iuste et indebite recepissetis et abstulissetis et ad saepissimas ipsorum requisitiones eisdem restituere non curassetis nec curaretis etiam de praesenti in praeiudicium et dampnum dictorum exponentium valde magnum. Nolumus igitur quod ut quipiam hominum nostro officio perdurante nec per vos nec per alios nostros subditos in suis iustis rebus sic minus iuste impediretur. Mandamus ergo dilectioni vestrae praessentium serie firmissime nec aliud habere volentes, quatenus statim visis praesentibus praedictos duo vasa vini et decem¹⁾ equos concivium ipsorum ipsum currum trahentes absque omni occasione et praerogatione eisdem reddere et restituere modis omnibus debeatis et teneamini cum effectu. Si enim ipsa vina exposuissetis de pretio ipsorum vinorum eisdem plenariam impendere debeatis satisfactionem. Si autem ad quempiam ipsorum civium et inhabitatorum²⁾ dictae civitatis Cibiniensis quicumque actionis vel quaestionis habueritis id coram magistro civium, iudice iuratisque civibus praefatae civitatis iuridice prosequamini, ex parte quorum inibi contra quoslibet querulantes vobis merum iudicium iustitiaeque ac debitae satisfactionis exhibebunt complementum prout dictaverit ordo iuris. Et secus si nostram indignationem incurrere formidatis facere non ausuri. Ex possessione nostra Zenthlazlo sabbato proximo ante festum cathedrae Petri apostoli, anno domini millesimo quadringentesimo LX^mo octavo.

Auf der Rückseite Adresse: Nobili Sebastiano Zalay officiali nostro in pertinentiis Ffogaras et districtu Omlas constituto nobis sincere dilecto.


1) Hierauf gestrichen q. ^{^}
2) Vorlage inhitatorum.^{^}