Urkunde Nr. 3615 aus Band VI

Seite im UB:

338-339

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 94.

Druckvorlage:

nach Original

Abdruck als:

Volltext

Sprache:

Latein

---

3615

Im Heerlager bei Laa 1468 Mai 3 König Matthias beauftragt die königlichen Steuersammler aufs Neue mit der Einhebung der Steuer in Bistritz und den zugehörigen Ortschaften.

Nos Mathias dei gratia rex Hungariae, Dalmaciae, Croaciae et cetera memoriae commendamus per praesentes, quod pro parte et in personis fidelium nostrorum prudentum et circumspectorum iudicis, iuratorum et totius communitatis civitatis nostrae Bystriciensis et pertinentiarum eiusdem nostrae expositum est maiestati in hunc modum, quod licet nos alias ad supplicationem eorundem universas et quaslibet taxas e medio ipsorum nobis provenire debentes vigore literarum nostrarum exinde confectarum per eos exigere deputaverimus, tamen ipsis hoc in detrimentum et damnum eorum esset non parvum. Qua de re nobis pro parte eorundem debita cum instantia extitit supplicatum, ut eos a dicatione et exactione earundem taxarum exoneraremus. Nos igitur huiusmodi supplicationibus inclinati eisdem iudici, iuratis civibus et communitati dictae civitatis nostrae Bystriciensis et pertinentiarum suarum¹⁾ id duximus annuendum et concedendum, ut non obstantibus dictis literis nostris a modo in antea iuxta antiquam consuetudinem ipsorum universas taxas et collectas e medio ipsorum nobis provenire debentes homines nostri quos pro tempore ad id deputaverimus dicare et exigere nobisque administrare teneantur, immo annuimus et concedimus harum nostrarum vigore et testimonio literarum mediante. Datum in descensu nostro exercituali ter-[S. 339] rae²⁾ Moraviae prope civitatem Law feria tertia proxima post festum beatorum Philippi et Jacobi apostolorum, anno domini millesimo quadringentesimo sexagesimo octavo, regni nostri anno undecimo, coronationis vero quinto.

Von der Kanzlei: Ad relationem Johannis Erensth.


1) Gebessert aus sue. ^{^}
2) Vorlage terri. ^{^}