Urkunde Nr. 3626 aus Band VI

Seite im UB:

343

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 36 393, S. 48 Nr. 3.

Druckvorlage:

nach Abschrift

Abdruck als:

Volltext

Sprache:

Latein

---

3626

(1468) Juli 2 Der Konvent von Kolozsmonostor bestätigt die Zeugenaussage des Klausenburger Bürgers Johannes Loh und Genossen über die Schulden des verstorbenen Johannes Keh.

Memoriae commendamus, quod providi et circumspecti viri Johannes Loh dictus necnon Thomas Sutor et Johannes Syweges, cives civitatis Coloswar, ad instantem petitionem honesti viri Stephani Sutoris, inhabitatoris eiusdem civitatis Coloswar, nostram venientes in praesentiam parili voce unanimique relatu ad fidem eorum deo debitam coram nobis praestitam¹⁾ spontanea eorum voluntate confessi sunt in hunc modum: Quod cum ipsi temporibus dudum elapsis cuius se iam fere quarta instaret revolutio annualis, praefato Johanne Loh tunc iurato cive existente, in consistorio iudicis ac iuratorum dictae civitatis Coloswar fuissent constituti, tunc circumspectus vir quondam Johannes Keh dictus, similiter civis praefatae civitatis Coloswar, ipsis praesentibus et audientibus, promisisset annotato Stephano Sutori, quod praetextu illarum rerum et bonorum suorum eiusdem Stephani, quas et quae castellani castri Kykellewar pro factis providi Blasii dicti Thoth, consimiliter inhabitatoris saepefatae civitatis Coloswar, abstulissent in dampno minime promitteret, sed cum ipso Stephano Sutore componetur ipsumque contentum reddere. In quorum testimoniis praesentes literas nostras duximus concedendas. Datum in festo visitationis virginis glorioasae, anno (1468).


1) Vorlage praestitum; hierauf nec gestrichen.^{^}