Urkunde Nr. 3632 aus Band VI

Seite im UB:

346

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 34.

Druckvorlage:

nach Original

Abdruck als:

Volltext

Sprache:

Latein

---

3632

Ungarisch-Brod 1468 Juli 31 König Matthias verbietet den siebenbürgischen Woiwoden und Vizewoiwoden sowie den Szeklergrafen, von den Kronstädtern - gegen deren alte Freiheiten - Zölle einzuheben.

Mathias dei gratia rex Hungariae, Dalmaciae, Croaciae et cetera fidelibus nostris magnificis waywodis vel vicewaywodis nostris Transsiluanis ac comitibus Siculorum [nos] ¹⁾trorum nec non collectoribus proventuum vectigalis sacrae coronae nostrae in civitate nostra Brassouiensi constitutis, salutem et gratiam. Exponitur nobis in personis fidelium nostrorum prudentum et circumspectorum iudicis, iuratorumque civium ac totius communitatis civitatis nostrae Brassouiensis ad modum gravis querelae, quod licet nos eos [vigore] ²⁾ literarum nostrarum ipsis superinde concessarum a solutione vectigalis libertaverimus, antiqua etiam libertatis eorum praerogativa requirente a solutione tributi exempti sint, tamen vos ab eisdem civibus nostris contra huiusmodi eorum libertates ipsum vectigal et etiam tributum exigeretis in praeiudicium ipsorum non modicum, supplicantes per nostram maiestatem ipsis superinde opportune provideri. Et quia nos sicuti neminem regnicolarum nostrorum, sic nec dictos exponentes in ipsorum libertatibus per quempiam impediri volumus, fidelitati igitur vestrae firmiter mandamus, quatenus receptis praesentibus et rebus praemisso modo se habentibus, a praefatis civibus dictae civitatis nostrae Brassouiensis ac de rebus et bonis ipsorum quibusvis, nullum vectigal et tributum contra huiusmodi eorum libertates in quantum videlicet eas habent, petere et exigere debeatis. Secus non facturi, praesentibus perlectis exhibenti restitutis. Datum in Broda Hungaricali die dominico proximo ante festum ad³⁾ vincula³⁾ beati Petri apostoli, anno domini millesimo quadringentesimo sexagesimo octavo, regni nostri anno undecimo, coronationis vero quinto.


1) Lücke 6 mm.^{^}
2) Lücke 17 mm.^{^}
3) Mit dunklerer Tinte nachgezogen. [2x]^{^}