Urkunde Nr. 3635 aus Band VI

Seite im UB:

348

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 280.

Druckvorlage:

nach Original

Abdruck als:

Volltext

Sprache:

Latein

---

3635

Olmütz 1468 August 14 König Matthias trägt seinem siebenbürgischen Zolleinnehmer Georg Pogan auf, die nicht auf Handelswaren aufgeschlagenen Zollgebühren zur Erhaltung der Burg Roterturm an den Hermannstädler Rat abzuführen.

Von der Kanzlei: De commissione domini regis.

Mathias dei gratia rex Hungariae, Dalmaciae, Croaciae et cetera fideli nostro nobili Georgio Pogan exactori proventuum vectigalis sacrae coronae nostrae in Transsiluania constituto et aliis collectoribus in futurum constituendis salutem et gratiam. Quia nos ad supplicationis instantiam fidelium nostrorum prudentum et circumspectorum magistrorum civium, iudicum et iuratorum consulum septem sedium Saxonicalium et civitatis Cibiniensis illos proventus unius vel duorum hosporarum, aut trium vel quatuor denariorum et alios parvae importantiae ad nostrum tributum pertinentes, qui non de rebus mercimonialibus sed de aliis, de quibus videlicet vectigal exigere non liceret¹⁾, circa castrum nostrum Weresthoron exigi soliti sunt, eisdem magistris civium, iudicibus et iuratis consulibus ad conservationem eiusdem castri Weresthoron deputavimus. Ideo fidelitati vestrae firmiter mandamus, quatenus a modo in antea dictos²⁾ proventus non exigatis, sed eisdem magistris civium, iudicibus et iuratis consulibus vel hominibus ipsorum, quos ad id deputaverint, ad conservationem dicti castri exigendos reliquere debeatis. Secus facere non praesumatis. Praesentibus perlectis exhibenti restitutis. Datum in Olomucz dominico die proximo ante festum assumptionis beatae Mariae virginis, anno domini millesimo quadringentesimo sexagesimo octavo, regni nostri anno undecimo, coronationis vero quinto.

Auf der Rückseite gleichzeitig: Praerogativa et provisio ad Weresthoron. Mathiae regis indultum de asperis ad Rubeam turrim.


1) Hierauf gestrichen et qui. ^{^}
2) Hierauf gestrichen modicos. ^{^}