Urkunde Nr. 3638 aus Band VI

Seite im UB:

350-351

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 265.

Druckvorlage:

nach Original

Abdruck als:

Volltext

Sprache:

Latein

---

3638

Schässburg 1468 August 27 Bürgermeister Petrus Aurifaber und der Rat von Schässburg ersuchen den Hermannstädter Rat, die Angelegenheit der Schässburger Fassbinder, die ihre Waren in den Stühlen Hermannstadt, Reussmarkt, Mühlbach und Broos nicht absetzen dürfen, neu zu verhandeln.

Prudentes et circumspecti viri domini fratresque et amici nostri honorandi. Sane intelleximus literas vestras in quibus nobis scribitis ratione vasorum magistrorum doleatorum civitatis nostrae videlicet, quod non debeant eadem ad venundationem ad sedes Cibiniensem, Ruzmarth, Mwllembach et Bros ausi esse deducere sub poena privationis vasorum per iudicem loci. Recolimus tamen nostrum aliquod tunc temporis in actitacione coram provincialibus fuisse praesentes, quod de talismodi negocio fuit tractatum non enim propter dampnum ingens et manifestum rei publicae¹⁾ inde eventurum in alicuius conclusionis finem²⁾ fuit determinatum. Petimus etiam, ut qui unius ponderis undecumque venturi sustinendi gravia vel dulcia unum hucusque in alterutrum fuimus propter privata lucra non multorum hominum utilitatem communitatis non infringere, sed verum potius ipsum negocium ut antea in suspenso permittere quousque ad proximum venturum festum exaltationis sanctae crucis, ut et tunc aliqui ex nobis una vobiscum clarius tractent de huiusmodi negociis. Sciatis nihilominus, quod nuntios nostros habuimus ratione istius negocii in sedibus Ruppas et Schenk, qui similimodo, ut nos petunt, differe causam istam usque terminum ad minus praefixum. Ceterum quid is praesentium lator noster iuratus vestris dominationibus nostri parte ratione huiusmodi negocii dixerit petimus sibi fidem adhibere creditivam, et nostri interim nullibi locorum impediantur. Datum in Segesvar sabbato proximo ante festum decollationis sancti Johannis baptistae, anno domini M^o CCCC LXVIII^o. [S. 351]

Petrus Aurifaber magister civium, iudices
ac iurati cives civitatis Segeswariensis.

Auf der Rückseite Adresse: Prudentibus et circumspectis viris magistro civium, iudicibus ac iuratis consulibus civitatis Cibiniensis dominis fratribusque et amicis nostris semper honorandis.


1) Vorlage pubplice.^{^}
2) Hierauf getilgt non. ^{^}