Urkunde Nr. 3647 aus Band VI

Seite im UB:

355-356

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 187.

Druckvorlage:

nach Original

Abdruck als:

Volltext

Sprache:

Latein

---

3647

Pressburg 1468 September 28 König Matthias verleiht der Stadt Kronstadt das Stapelrecht für Waren aus der Walachei und der Moldau.

Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod nos tum ad humillime supplicationis instantiam fidelium nostrorum circumspectorum Petri Wydoch¹⁾ et Michaelis Erdeg civium civitatis nostrae [S. 356] Brassouiensis per eos pro parte fidelium nostrorum universorum hospitum et totius communitatis eiusdem civitatis nostrae Brassouiensis et incolarum terrae Barcza nostrae propterea porrectae maiestati, tum vero pro commodo et utilitate eiusdem civitatis nostrae id eisdem civibus et hospitibus nostris duximus annuendum et concedendum ut dum et quando ac quotienscumque mercatores aut quicumque alii cuiuscumque conditionis existant homines, qui cum eorum mercantiis et rebus venalibus sive de Transalpinis partibus sive de Moldauia ad ipsam civitatem nostram Brassouiensem pervenerint, illi huiusmodi eorum mercantias ac res venales in praedicta civitate nostra Brassouiensi deponere et collocare easdemque ibidem et non alias vendere et cum eisdem commutationes rerum facere possint et valent. Imo annuimus et concedimus harum nostrarum vigore et testimonio literarum mediante, quas post earum lecturam semper reddi iubemus praesentanti. Datum Posonii feria quarta proxima ante festum beati Michaelis archangeli, anno domini millesimo quadringentesimo sexagesimo octavo, regni nostri anno undecimo, coronationis vero quinto.


1) So Vorlage.^{^}