Urkunde Nr. 3649 aus Band VI
- Seite im UB:
- 357
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Druckvorlage:
- nach Manuskript 19. Jahrhundert
- Abdruck als:
- Volltext
- Sprache:
- Latein
3649
Pressburg 1468 September 29 König Matthias befreit ein Dritteil der Einwohner Birthälms von der Verpflichtung, im Heeresaufgebot zu erscheinen. Abschrift des 18. Jahrhunderts Batthyaneum Alba Iulia, Privilegia civitatis Claudiopolitanae 740 nach einer Einschaltung Gabriel Bethlens aus 1615. Manuskript Zimmermann des Urkundenbuches nach dem heute verschollenen Orig. Perg. im Gemeindearchiv Birthälm. [Orig. heute Zentralarchiv der evangelischen Kirche A. B. in Rumänien, Hermannstadt, 610 A 17.]
Druck: Salzer, Birthälm (
») 664 Nr. 12.
Bruchstück: Eder, Observationes (
») 190. Archiv (
») Neue Folge XI, 1873, 67 Anm. 1 =
Hurmuzaki, Documente (
») II, 2, 187 Nr. 170.
Nos Mathias dei gratia rex Hungariae, Dalmaciae et cetera memoriae commen damus per praesentes, quod nos cum ad nonullorum fidelium nostrorum humilimae supplicationis instantiam per eos pro parte fidelium nostrorum universorum civium, hospitum et inhabitatorum oppidi nostri Berthalam nostrae praeterea porrectae maiestati, tum vero ex eo, quod ipsi cives, hospites et inhabitatores dicti oppidi in confinibus partium regni Transyluanarum residerent et per inimicos continuo vexari et infestari dicuntur, eisdem id de plenitudine nos de regiae potestatis et gratia nostra speciali duximus annuendum et concedendum, ut tertia pars eorundem civium, hospitum et inhabitatorum dicti oppidi ab ingressione quorumque exercituum tam per nos, quam per vaivodas dictarum partium Transyluanarum imponendorum exempta habeatur, ita ut cemeterium quod per ipsos in eodem oppido munitum est, an inimicis huiusmodi pars in absentia aliorum civium dum iidem in aliquibus exercitiis constituerentur, in bona custodia tenere debeat, imo annuimus et concedimus per vigorem. Quo circa vobis fidelibus nostris magnificis vaivodis nostris Transylvanis ac comitibus Siculorum nostrorum eorumque vicevaivodis et vicecomitibus, item capitaneis belliductoribus, solicitatoribus et levatoribus quorumcumque exercituum nostrorum ac aliorum quorumcumque harum serie firmiter committimus et mandamus, quatenus huiusmodi tertiam partem earundem civium, hospitum et inhabitatorum dicti oppidi nostri Berthalom ab ingressione omnium exercituum nostrorum et aliorum quorumcumque arcere et compellere aut ratione non ingressionis eorundem ipsos in personis rebusque et bonis eorum quibuscumque contra formam praemissae nostrae exemptionis impedire, molestare aut quovismodo dampnificare nusquam et nequaquam praesumatis nec sitis ausi modo aliquali. Praesentibus perlectis exhibenti restitutis. Datum Posonii in festo beati Michaelis archangeli, anno domini millesimo quadringentesimo sexagesimo octavo, regni nostri anno undecimo, coronationis vero quinto. [S. 358]